Komando Jerál Polísia Nasionál Timor-Leste (PNTL), la tolera membru ne’ebé la leal ba instituisaun no Estadu hodi fasilita fali sidadaun sira hakat ilegál ba Indonézia iha períodu Estadu Emerjénsia.
“Kompeténsia sua exelénsia komandante nian sei hala’o prosesu membru sira ne’ebé mak la loyal ba instititusaun no Estadu ida ne’e. Ne’ebé nia prosesu tenke la’o nafatin, laiha toleránsia ba membru sira ne’e,” esplika Komandante Operasionál Nasionál PNTL Superintendente Xefe Pedro Belo, Segunda (09/08/2021), iha Caicoli.
Pedro Belo dehan, membru PNTL sira koloka iha fronteira atu hala’o seguransa la’ós ba atu tama fali ba grupu seluk.
“Ita iha ona investigasaun, sua exelénsia nia oriéntasaun klaru tiha ona ba iha departementu Justisa PNTL atu bele investiga, kuandu nia envolve duni nia tenke simu konsekuénsia. Tanba PNTL no F-FDTL ne’e zero toleránsia ba sira ne’ebé envolve iha arte marsiais, nia lakohi vida iha Polísia”,dehan Pedro Belo.
Antes ne’e iha Sábadu (08/08/2021), Komandante Unidade Patrullamentu Fronteira Superintendente Euclides Belo hateten, membru UPF ida ne’ebé mak deskonfia fasilita sidadaun na’in 11, submete ona ba prosesu investigasaun iha seksaun Justisa UPF ninian.Avi
