Diretór Ezekutivu Funsasaun Mahein (FM), João Almeida, konkorda ho desizaun Xefe Estadu Maiór FALINTIL-Forsa Defeza Timor-Leste (F-FDTL), Tenente Jenerál Lere Anan Timur, ne’ebé hatete monta F-FDTL iha fronteira liña primeiru.
João Almeida, hateten tuir konstituisaun RDTL iha artigu 146, no lei Seguransa Nasionál númeru 2/2010, no númeru 3/2010, kona-bá Defeza Nasionál, fó resoponsabilidade másimu ba forsa armada, iha liña primeiru.
“F-FDTL mak toma konta ba defeza no soberania nasionál no interese kuandu ameasa sira mai husi rai-liur, F-FDTL mak toma responsabilidade toma atensaun iha kazu ida ne’e, la taka dalan ba Polísia envolve iha kazu sira ne’e, maibé iha natureza la hanesan, tanba Polísia la’os tama iha asuntu defeza nasionál nian, maibé iha kazu sira liga ho Investigasaun kriminal Polísa bele envolve” tenik.
Antes ne’e iha loron 20 fulan ne’e, Xefe Estadu Maior Jenerál F-FDTL Tenente Jenerál Lere Anan Timur hatete, tuir loloos seguransa iha fronteira ne’e toma konta husi F-FDTL.
“Maibé uluk iha Nasoin Unidas mak tau fali UPF iha oin ne’ebá F-FDTL la ba tan fronteira, ikus mai mak hau toma inisiátiva hau husu Governu mak haruka forsa sira iha fronteira, mas lolos ne’e la’os Polísia”,dehan Lere.
Dadauk ne’e membru F-FDTL menus husi pelutaun ida, koloka iha segundu liña hanesan iha Postu Tunu Bibi, Alto Lebos, Mota-Masin, Coba, Batugade, Tilomar no Oecusse, hodi apoia Unidade.Avi
