Fundasaun Mahein (FM), konsidera, membru Grupu Arte Marisiál (GAM) la obedese ka la kolobora ho Estadu hodi “ulun moruk” hakat ilegálmente ba hasa’e sintu iha Indonézia.
“Agora ita iha hela situasaun pandemia, Estadu Emerjénsia no dekreta medida prevénsaun nian, entaun aktu sira hanesan ne’e la kolobora ho Estadu no la kumpri ba regra sira Estadu aplika,” dehan Diretór Ezekutivu FM, João Almeida, ba GMN Tersa (10/08), iha Bairu-Formosa Díli.
FM mos husu Governu atu komunika ho Indonézia liu husi reprezentante Embaixada Indonézia iha Timor-Leste, nune’e bele lori fila-fali sidadaun Timor 113 husi Atambua mai Timor-Leste.
“Sidadaun sira ne’e autoridade seguransa mak kaptura, mesmo que sira halo sala, maibé hakarak ka lakohi Estadu tenke toma responsabilidade” tenik nia.
Sidadaun Timor-oan hamutuk 113 ne’e kaptura iha Segunda (09/08), husi POLRES Atambua Nusa Tenggara Timur (NTT).Avi
