GMN TV Justica e Segurança Hakat fronteira ilegál, ne’e krime organizadu

Hakat fronteira ilegál, ne’e krime organizadu

102 views

Primeiru Ministru (PM), Taur Matan Ruak, hatete, sidadaun ne’ebé hakat ilegál husi fronteira ba hala’o atividade iha Indonézia, ne’e konseidera krime organizadu.

“Kontrolu fronteira pasajen ilegál, hau haree iha ne’e hateten pasajen ilegál ne’e hau bele hatete 98-99% krime organizadu, iha  ita nia elementu balun kaer, veteranu balun kaer. Dadauk ne’e ita iha ekipa ida servisu ho Polísia Indonézia hodi tama no sai kaer ema” dehan Xefe Governu, iha debate estensaun Estadu Emerjénsia ba da-VII, iha Parlamentu Nasionál.

Taur mós apresia ho servisu Unidade Patrullamentu Fronteira (UPF), ho nia membru ne’ebé mak limitadu, maibé bele asegura seguransa iha área fronteira balu.

Iha semana rua ikus ne’e, autoridade seguransa husi Indonézia deporta ona sidadaun Timor oan sira,  kuaze atus hitu, mai iha autoridade seguransa Timor-Leste nian, iha Motain hodi kumpri kuaréntena.

PM Taur konkorda F-FDTL monta iha fronteira

Primeiru Ministru (PM), Taur Matan Ruak, konkorda membru FALINTIL-Forsa Defeza Timor-Leste (F-FDTL) atu koloka liña primeiru iha fronteira.

“Hau kokorda Forsa armada tenke fila-fali ba fronteira. Hau sei jenerál  tempu Nasaun Unida nian, sira husu para forsa armada mak tenke ba, mas ha’u hateten labele! Tanba ema sira iha forsa armada ne’e foin funu hotu mak mai, ha’u tauk provoka malu hodi tiru malu. Tanba ne’e, ha’u husu Nasaun Unida atu  tau Polísia,” esplika PM Taur.

Antes ne’e, Xefe Estadu Maiór Jenerál F-FDTL Tenente Jenerál Lere Anan Timur, koloka ona membru forsa armada menus husi pelotaun ida, iha segundu liña, hanesan iha Postu Tunu Bibi, Alto Lebos, Mota-Masin, Coba, Batugade, Tilomar no Oecusse, hodi apoiu UPF.Avi


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker