GMN TV Justica e Segurança Hakat liu fronteira TL, kaptura iha RI

Hakat liu fronteira TL, kaptura iha RI

138 views

Membru Grupu Artemarsiál (GAM) na’in 113 konsege hakat liu fronteira Timor Leste, atu ba hasa’e sintu iha Repúblika Indonézia (RI), Kepolsian Resort (POLRES) Belu-Atambua, konsege kaptura iha loron Segunda (10/08).

Membru GAM sira ne’e, tama illegál liu husi  fronteira Fatumea, ba Lamakneen no liu husi área marítima.

Sidadaun ne’ebé POLRES kaptura kompostu mane 105, feto na’in 8, ho evidénsia manu, no atributu organizasaun nian, ne’ebé prepara ba hasa’e sintu.

Dadauk autoridade segurnasa Indonézia halo hela prosesu identifikasaun ba sidadaun Timor-oan sira ne’e iha Atambua.

“Ita  hatene katak iha loron hirak liu ba Polísia Indonézia kaptura ema 113 iha Atambua, sira hala’o atividade iha Atambua ne’ebá, oras  ne’e sira iha hela Polisi Indonézia nia liman iha tempu badak ema sira sei deporta mai iha ita nia rai, liu husi odamatan Batugade,” informa Porta-Voz PNTL Superintendente Xefe Arnaldo Araújo, Tersa (10/08), iha Kuartel Jerál PNTL, Caicoli-Díli.

PNTL mos agradese ba Governu Indonézia liu-liu POLRI no POLRES.

“Hakarak hato’o obrigado ba governu Indonézia liu-liu ba Polisi Republik Indonesia (POLRI) espesiál ba POLRES Atambua Belu” husu Arnaldo.

Tuir informasaun ne’ebé relata husi Minstru Defeza no Seguransa, Filomeno Paixão katak, lista konfirmadu sidadaun hakat illegál ne’ebé servisu sekretu hetan hamutuk sidadaun 700 resin, no dadaun ne’e kaptura ona 113, hela 500 resin mak autoridade seguransa Indonézia sei buka tuir hela.Avi


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker