Inísiu fulan Janeiru to’o Jullu tinan ne’e, kazu krime 1.763 no kazu sivíl 790 mak pendente iha Tribunál Distritál Díli (TDD).
“Kazu krime hahú husi Janeiru to’o Jullu hamutuk 1.763 kompostu husi kazu foun 207 no kazu sira tribunál deside 112, kazu sivíl pendente to’o iha fulan Jullu nian 790, kazu foun 29 juíz konsege deside 68 to’o iha fim de Jullu hamutuk 790 kazu pendente hirak ne’e sei hala’o fali julgamentu iha dia 6 de Setembru”, informa Juíz Administradór TDD, Afonso Carmona ba GMN, iha nia knaar fatin, Mandarin-Díli Segunda (23/08).
Juiz Administrador esplika, kazu pendente sira ho númeru bo’ot ne’e, tanba rekursu umanu la sufisiente atu atu aselera prosesu sira ho lais.
Durante ferias judisial, tribunál rejistu kazu urjente hanesan kazu ida kontra segredu justisa, kazu rua kontra autoridade no ida seluk ofensas korporais grave ho kazu sumáriu ida.
Dadun ne’e, juiz iha Timor-Leste hamutuk 35, husi númeru ne’e juíz ne’ebé koloka iha TDD hamutuk nain 16, Baucau 6, Suai 6, RAEOA 2, Tribunal Rekursu 4, no Sentru Formasaun Judisiáriu Dili na’in 1.Tos
