GMN TV Justica e Segurança Komunidade labele estraga plaka ne’ebé F-FDTL harii

Komunidade labele estraga plaka ne’ebé F-FDTL harii

48 views

Xefe Estadu Maior Generál FALINTIL-Forsa Defeza Timor Leste (F-FDTL), Tenente Jenerál Lere Anan Timur, husu komunidade ne’ebé hela besik iha fatin ne’ebé instituisaun hatúr plaka ba, atu kuidadu no labele estraga.

Tanba plaka ne’ebé hatúr, indentifikadu hanesan fatin istóriku ne’ebé ema barak mate, lakon sira nia família, tanba hakarak ukun rasik an.

“Sidadaun ne’ebé estraga símbolu nasaun ne’e, nia la’os nasionalista, ema ne’e keta uluk lakohi ukun aan karik, ne’e mak la respeita símbolu nasaun nian. Plaka ne’ebé ami tau, balun tá, no tuda halo aat, ne’ebé hau fila-fali ba Díli, haruka ekipa ida mai investiga” apela Lere Anan Timur, iha Mafufahi semana ne’e, hafoin hala’o tour hale’u munisípiu hodi komemora loron FALINTIL nian ba dala 46.

Administradór Munisípiu Manufahi, Arantes Isaac Sarmento mos bolu atensaun, autoridade komunitária atu tau matan ba plaka sira ne’ebé harii ona iha Munísipiu Manufahi.

“Fatin ruma ne’ebé tau ona plaka, atu tau matan, labele hanesan iha fatin seluk, tuda no tiru halo a’at, nune’e husu hotu atu kuidadu no proteje, hanesan fatin istoriku ne’ebe di’ak ba jerasaun tuir mai” dehan Arantes.

Enkuantu Tour FALINTIL, Dalan ba Dame, faze dahuluk, ramata iha Kinta semana ne’e, hafoin prekore Munisipiu Lima, hanesan Manatutu, Baucau, Lautem,Viqueque no Manufahi.

Iha faze dahuluk ne’e konsege harii plaka ualu, kompostu husi plaka ha’at, ba funu sivíl no plaka haat, ba memória vítima diferénsia ideia interna FRETILIN, husi tinan 1976 to’o 1977.Ags


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker