GMN TV Justica e Segurança MTK mak “ulun moruk” aluga ró Tranship II, KAK tenke Kaptura

MTK mak “ulun moruk” aluga ró Tranship II, KAK tenke Kaptura

208 views

Parlamentu Nasionál (PN) Bankada oposizaun CNRT, Deputadu Domingos de Carvalho klarifika, prosesu aluga ró Tranship II antes ne’e PN ho Administrasaun Portu Timor Leste (APORTIL) realiza enkontru, no APORTIL rasik la aseita atu aluga transporte marítima ne’e.

Maibé Ministru Transporte Komunikasaun (MTK) ulun to’os hakat liu tiha kompeténsia APORTIL nian, hodi deside aluga ró ne’e. Tanba ne'e husu KAK kaptura mós Ministru no Diretór Nasionál Transporte no Marítima (DNTM) hodi investiga.

“Maibé sira mak lori ulun fatuk moruk prontu, Ministériu mós foti desizaun ida ke ultrapasa tiha kompeténsia APORTIL nian, hodi foti desizaun hodi aluga duni ró Tranship II ne’e. Prezidente Flávio rasik la aseita. KAK mós tenke buska ba diretór Transporte Marítima no Ministru rasik, sira mak foti desizaun kesi malu hodi aluga ró Tranship II ne’e” dehan deputadu Domingos de Carvalho, iha PN Tersa (17/08).

Kona-ba dokumentu, deputadu ne’e dehan ró Tranship mos dokumentu balun inválidu ona, durante hala’o operasaun iha Díli, Ataúro no Oecusse.

Iha mandadu buska no aprensaun ne’ebé KAK hala’o iha loron 13, fulan ne’e, prende objetu sira hanesan dokumentu, telemovel no komputadór diretór diresaun Cabotazen Nasionál nian, ne’ebé rai dokumentu importante sira, liga ho prosesu aluga ró ne’e.

Maske MTK termina ona kontratu ho empreza Atarlapan Estrategi Lojistik, hodi fila ba Indonézia, maibé la fó impaktu ba prosesu investigasaun ne’ebé dadaun ne’e la’o hela.

No Prezidente APORTIL Flávio Neves mós deklara, MTK termina ona kontratu ró Tranship II to’o deit fulan 2, tanba laiha ona osan hodi estende kontratu, ba operasaun transporte marítima ne’e.

Nune’e Governu konsege halo ona pagamentu fulan rua nian, ba empreza ne’ebé kontrata ho montante dolar amerikanu  440.000.

Hahú iha loron 21, fulan Maiu, to’o loron 21, fulan Jullu ne’e, Ro Tranship II  halo ona operasaun ba mai Oecusse dala 6 no Ataúro dala 10.

Tuir lei númeru 10/2005 Regime Jurídiku Aprovizionamentu, iha artigu 38, númeru 2 kona-ba Konkursu Públiku Nasionál hatúr, uainhira iha akizisaun ne’ebé relasaun ho matérial, obra no servisu ho nia valór osan USD 100.000, maka konkursu ne’e obrigatóriamente iha nasionál.

No konkursu públiku internasionál ho nia valór osan millaun USD 1.000,000, tuir artigu 39 (a). Defaktu, proseu konkursu ba aluga ró Tranship II ho deit montante rihun USD 440, ba fulan rua nia, ne’ebé kategoria ba konkursu públiku nasionál (art.38), la’os konkursu públiku internasionál (art.39).Tos


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker