GMN TV Justica e Segurança Operasaun ró Tranship II, “fulan rua de’it”

Operasaun ró Tranship II, “fulan rua de’it”

99 views

Governu liu hosi Ministériu Transporte no Komunikasaun (MTK) termina ona kontratu operasaun ró Tranship II nian to’o de’it fulan rua, tanba laiha ona osan hodi estende kontratu transporte marítima ne’e ba fulan ida tan.

“Nia halo operasaun durante fulan rua ita tenki selu tuir kontratu, tanba ida ne’e mak ohin loron Ró Tranship tenki fila, tanba deit ita osan laiha, ita hapara kontartu,” klarifika Prezidenti Aportil, Flávio Neves, iha portu Díli, Sesta (13/08), hafoin husik transporte marítima ne’e fila-fali ba Indonézia.

Nia informa, osan ne’ebé Governu selu ba empreza, la’os sura kada viajen, maibé bazeia ba kontratu ne’ebé parte sira asina kada fulan USD 220.000. Nune’e konsege halo pagamentu fulan ba rua ne’e, ho montante USD 440.000.

Maibé tuir kontratu ne’ebé antes ne’e Governu kontrata ho empreza Atarlapan Estrategi Lojistik husi Surabaya Indonezia, opersaun ró ne’e durasaun fulan tolu, la’os fulan rua.

Inpspetór MTK, Jacinto Freitas, hatete, kontratu ne’e Governu termina deit ho fulan rua, la’os fulan tolu. Maibé kona-ba prosesu kontratu sira ne’ebé durante ne’e parte sira estebelese, inspetór ne’e lakohi fó esplikasaun.

“Kona-ba kontratu Ró Tranship II, ha’u hanoin ha’u labele partilla informasaun ruma” dehan inspetór ne’e, iha Aportíl, Díli, Sesta (13/08).

Dadus ne’ebé GMN asesa husi APORTIL hatudu, hahú iha loron 21, fulan Maiu, to’o loron 21, fulan Jullu ne’e, Ro Tranship II  halo ona operasaun  ba mai Oecusse dala neen, no Ataúro dala sanulu.

Ró Tranship II, Komisaun Anti Korrupsaun (KAK) deskobre katak, mosu irregularidade balun iha prosesu tenderizasaun kona-ba Ró ne’e, no KAK mós submete ona auto partisipasaun ba Ministériu Públiku (MP) hodi hein delegasaun kompeténsia.Dms


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker