Komando Jerál Polísia Nasionál Timor-Leste (PNTL), koloka tan membru balun husi Kontijente Jerál ba reforsa Unidade Patrullamentu Fronteira (UPF), ba kontrolu movimentu illegál iha fronteira.
“Ida ne’e planu Komandante Jerál PNTL nia-nia, tanba ita hatene iha fronteira membru sira limitadu tebes, liu-liu ba sira ne’ebé destaka iha postu sira. Tanba mak antes ne’e reforsa ona husi Unidade Espesiál Polísia (UEP), agora ita koloka tan pelotaun ida hodi reforsa tan iha parte fronteira nian,” esplika Komandante Operasionál Nasionál PNTL Superintendente Xefe, Pedro Belo, ba jornalista sira Segunda (09/08/2021), iha Kaikoli Díli.
Antes ne’e iha loron 6, fulan Agustu, tinan ne’e, Komandante UEP Superintendente Xefe Orlando Gomes, simu orientasaun husi Komandante Jerál PNTL Komisáriu Faustino da Costa, hodi koloka tan membru Komando Operasaun Espesiál (COE-Sígla Portugés) no Batallaun Orden Públika (BOP), hamutuk pelutaun ida hodi reforsa UPF iha fronteira.Avi
