GMN TV Justica e Segurança PNTL rekoñese menus rekursu iha fronteira

PNTL rekoñese menus rekursu iha fronteira

133 views

Komando Operasionál Nasionál Polísia Nasionál Timor-Leste (PNTL), rekoñese Unidade Patrullamentu Fronteira (UPF) menus rekursu, nune’e la konsege kaptura sidadaun hakat ilegál ba hasa’e sintu iha Indonézia.

“Ita hatene katak nia frakeza mak distánsia ne’ebé do’ok tebes husi postu ida ba postu ida. Agora postu ida ema limitadu depois nia la’o to’o kilometru 10 to’o iha kilometru 15 ou kilometru 25 ne’ebé dook teb-tebes ho ekipamentu transporte limitadu oinsá mak nia bele kontrola totál” afirma Superintendente Xefe, Pedro Belo, ba jornalista sira, Kuarta (25/08), iha Sentru Formasaun Polísia, Comoro.

UPF ne’ebé koloka iha fronteira iha 2003-2021, ho nia membru 300 resin, ne’ebé mak koloka iha postu seguransa iha 30 resi. Kada postu ho deit membru na’in hitu, hodi nune’e labele kontrola hotu fronteira hahú husi Motain to’o Mota-Masin Suai nomós Oecusse.

Konkorda koloka FDTL iha liña primeiru

Polísia Nasionál Timor-Leste (PNTL) sei kumpri desizaun tomak husi Governu, bainhira koloka fali membru FALINTIL Forsa Defeza Timor-Leste (F-FDTL) liña primeiru iha fronteira.

“PNTL implementa de’it , kuandu desizaun tuun ona hakarak ka lakohi tenki ezekuta” dehan Pedro Belo.

Antes ne’e, Xefe Estadu Maiór Jenerál F-FDTL, Tenente Jenerál Lere Anan Timur, koloka ona membru forsa armada menus husi pelataun ida iha segundu liña, atu reforsa UPF iha fronteira.

Rejeita UPF han toba iha fronteira

Komandante Operasionál Nasionál PNTL, Superintendente Xefe, Pedro Belo, rejeita membru Unidade Patrullamentu Fronteira (UPF) han toba deit, fulan simu osan.

“Agora ami-nia UPF no UEP no UPM kaer ne’e ema haluha tiha dehan han toba, han toba, sira iha ne’ebá servisu maka’as, kalan sira kaer nafatin, loron mos sira kaer nafatin, ne’ebé sira la’ós han toba, sira servisu maka’as los ba ida ne’e” deskorda nia.

Dadus ne’ebé relata husi komandante PNTL Munisípiu Bobonaro, Superintendente António Mau Luta katak, hahú iha loron 2  fulan Jullu to’o loron 25  Agostu ne’e, PNTL kaptura sidadaun hamutuk 38, mak hakat ilegalmente fronteira, no autoridade seguransa Indonézia mos deporta Timor-oan hakat ilegal hamutuk 629.Avi


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker