GMN TV Justica e Segurança PNTL sei kaptura komunidade la kumpre KDJ

PNTL sei kaptura komunidade la kumpre KDJ

251 views

Komandante Polísia Nasionál Timor-Leste (PNTL), Superintendente Xefe Henrique da Costa,  hatete, sei kaptura sidadaun ne’ebé la kumpre regra Konfinamentu Domisiliáriu Jerál (KDJ) ne’ebé Governu aplika.

Tanba ne’e, Komando PNTL Munisípiu Díli iha Sesta loron 27 fulan, tuun iha terrenu obriga negosiante  sira ne’ebé mak fan sasán elektróniku no  ropa obralan  iha Aimutin,  atu taka provizóriu sira-nia atividade negósiu, hodi hela iha uma, atu bele halo prevensaun ba surtu COVID-19 no variante Delta.

“Informa ba iha ita nia komunidade sira para nune’e hotu-hotu kumpri, atu labele viola regras no rezolusaun governu nian ne’ebé mak iha, horseik iha faze ita fó hanoin atu nune’e sira bele kumpri, mas ohin ita uza ona forsa ita obriga sira atu bele taka,” dehan Superintendente Xefe Henrique da Costa, iha Kuartel Polísia Caicoli, Díli (27/08).

Maibé ba sidadaun sira ne’ebé hala’o servisu esensiál sira, hanesan servisu saúde, no sosa hahán, ba sentru saúde, apotik, sosa pulsa elétrika, bele autoriza liu.

Bainhira jornalista sira husu kona-ba sidadaun ne’ebé mak vasina kompletu bele halo viazen ba  munisípiu? Henrique da Costa, hatan “ba munisípiu halo saida” nia hatán.

Negosiante Obralan iha Ai-Mutin dehan, prontu kolobora ho Estadu atu hela hakmatek iha uma, maibé Estadu presiza tau matan ba nesesidade família nian, iha ámbitu KDJ.

“Kuitadu, Estadu tenke komprende ba, ami ne’e povu kiik, ami ne’e ai-leba, ami lori susar ho terus ne’e hodi sustenta ami nia fen-oan, Estadu diak, bele han toba mós fulan simu osan nafatin” espresa José Tilman da Silva Bere.Avi


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker