Ministru Defeza Filomeno Paixão hateten, sidadaun Timor-oan husi Grupu Artemarsiál (GAM) ne’ebé tama illegál ba territóriu Repúblika Indonézia (RI) hamutuk 700 resin.
Maibé dadaun ne’e, Governu halo hela esforsu hodi buka tuir Timor-oan 700 resin, ne’ebé hakat liu fronteira illegálmente hodi ba hasa’e sintu iha Repúblika Indonézia (RI).
“Ita informa kedan ba Primeiru Ministru para fó sai iha Konsellu Ministru, nune’e MNEK bele halo servisu hodi koordena ho autoridade sira iha Indonézia, hodi ajuda deporta sira fila mai” hateten Governante ne’e, iha Parlamentu Nasionál (10/08).
Nia akresenta, hafoin MNEK halo koordenasaun, konsege kaptura ona sidadaun 113, no sei hela 500 resin mak seidauk kaptura.
Vise Ministru Interiór, António Armindo subliña, movimentu ilegál kontinua aumenta, tanba númeru seguransa ne’ebé destaka iha fronteira seidauk sufisiente.
Hosi informasaun Timor-oan tama ilegál ba Indonézia hamutuk 700 resin ne’e, 360 resin mak konfirmadu ona iha lista servisu sekretu fronteira nian.Say
