Komandante Polísia Nasionál Timor-Leste (PNTL) Munisípiu Covalima, Superintendente, António De Sá, hateten, ba sidadaun sira ne’ebé tenta asegura sira-nia família nu’udar membru Grupu Arte Marsiál (GAM) hakat ilegál ba hasa’e sintu iha Indonézia, ikus fila-fali mai asegura iha uma, autoridade seguransa sei kaptura sira.
“Ita kontinua lansa ita-nia servisu informasaun iha terrenu no sosializasaun la’o namanas hela. Kuandu komunidade la kolobora ikus mai detekta ne’e, se mak fasilita hodi subar iha uma ne’e sei kona prosesu. Ne’e ita bolu sira iha kombinasaun hanoin a’at ba Estadu, tanba hanesan Timor-oan sira lakohi kontribui,” informa Komandante PNTL Munisípiu Covalima Superintendente António De Sá, via telefone ba GMN, Domingu (15/08).
Antes ne’e iha loron 12, fulan ne’e, autoridade seguransa no defeza kaptura ona membru sidadaun na’in haat ho inisiál EDR, NP,AM no JB, ne’ebé durante ne’e sai fasilitadór hodi lori sidadaun sira balun iha Lebos-Bobonaro ultrapasa fronteira ilegálmente ba territóriu Indonézia.Avi
