Parlamentu Nasionál liuhosi komisaun A, ne’ebé trata asuntu Justisa no Konstitusionál, rekomenda Governu atu koordena ho Governu Repúblika Indonézia (RI), rezolve didi’ak ba kazu membru Tentara Nasional Indonesia (TNI) ne’ebé tiru kanek sidadaun Timor-oan ida iha fronteira Fatumea, Covalima.
Prezidente komisaun A, deputadu Joaquim dos Santos husu atu rezolve hanesan família no amigu, nune’e labele hamosu interpretasaun barak kona-bá kazu ne’e.
“Ita lahatene se loos mak sala no se mak loos, maibe kompeténsia ita-nia Governu, liu hosi Ministériu Interior ho MNEK mak iha kompetensia tuir Estadu rua ne’e nian koordenasaun. Ita-nia Governu tenke buka dalan hodi rezolve tiha, para labele mosu fali problema seluk iha futuru,” sujere deputadu Joaquim dos Santos, iha PN Segunda (02/08).
Kazu ne’e akontese iha loron 28, fulan Jullu, tinan ne’e, bainhira membru TNI sira ho komunidade balun hakat liu fronteira Timor-Leste nian, tanba deksonfia ema na’ok Karau hosi komunidade balun husi Atambua, lori mai TL.Say
