GMN TV Justica e Segurança  Tour FALINTIL ba munisípiu tolu “adia”

 Tour FALINTIL ba munisípiu tolu “adia”

55 views

Ekipa Tour FALINTIL 'Dalan ba Dame' halo enseramentu tour ne’e iha Munisípiu Bobonaro, hodi adia viajen ba Munisípiu Covalima, Ainaro no Aileu, tanba dadaun ne’e Covalima implementa hela Serka Sanitária (SS).

Xefe Estadu Maiór Jenerál F-FDTL, Tenente Jenerál Lere Anan Timur, hatete, kona-ba Munisípiu tolu ne’ebé mak seidauk halo vizita, iha tempu tuir mai sei iha nia kontinuidade

“Ami-nia planu atu la’o ba oin ba Suai ba Ainaro ba Aileu ensera iha Aileu iha 28, maibé tanba situasaun corona ami labele kontra ordem Estadu nian, tanba ami mak aparelo do Estadu ami mak primeiru, ami mak hatudu ezemplu para ema hotu-hotu fiar, entaun ida ne’e mak ohin (horiseik) ami hakotu iha ne’e” hatete Tenente Jenerál Lere Anan Timur iha Maliana Villa, Sesta (27/08).

Atividade tour ne’e la’os konta deit susesu, maibé sira hasoru derrota triste ida, tanba lakon memebru F-FDTL ida ne’ebé mak ho nia kolega na’in haat hetan asidenti ho nia kolega sira iha Ainaru.

Kona-ba membru F-FDTL ne’ebé mate, dadaun ne’e parte familia diside ona hodi halo’ot tuir tradisaun família nia.

“Ami nia opersaun ne’e la’os susesu deit derrota mós iha, ami nia derrota mak ita nia forsa militar feto ida lakon nia vida iha dezastre Ainaru nia-nian, kauza husi dezastre ne’e, hau sei investiga kareta mak aat ka, kondutor mak beik ka ou tanba saida” dehan Lere.

Tour FALINTIL faze dahuluk hahú iha Palapasu, iha loron 15 fulan Agostu, ho nia rute Baucau, Viqueque, Lautém, no termina iha Manufahi.

 No faze daruak kontinua iha loron 25, fulan Agostu ne’e, ho nia rute Liquiça no Darulete, nune’e iha loron 26, ekipa kontinua kedas ba lansamentu plaka funu sivíl iha Aldeia Corluli, Suku Ritabou, Postu Administrativu Maliana, Munisípiu Bobonaro.

Maibé tuir ajenda, iha loron 27, ekipa tour kontinua halo viajem ba iha Covalima, Ainaro, no termina iha Aileu, iha 28, maibé tanba situsaun SS no KDJ, ekipa deside ensera iha Maliana.Dms


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker