Brigadeiru Jeneral (BrigJen) FALINTIL Forsa Defeza Timor-Leste, Cornelio Ximenes ‘Mau-Nana’, inagura uma ida ba komponente Naval Hera no halo enseramentu ba ezersisiu ‘Harii Hamutuk’ ne´ebé mak hala’o husi nasaun haat.
Nasaun haat ne´e mak hanesan husi forsa Australianu, Estadu Unidu Amérika, Japaun, inklui F-FDTL.
Enkuantu Seremonia inagurasaun ne´e ba uma Komponente Naval hala’o iha Sesta (28/09/18) iha baze komponente Naval Hera.
Brigadeiru Maunana konsidera edifísiu, ne´ebé mak harii importante tebes, oinsa bele kapasita rekursu umanu iha Komponente Naval FALINTIL Forsa Defeza Timor-Leste liu-liu ba lingua Portugéza.
``Halo inaugurasaun ba uma Komponente Naval no enseramentu ezersisiu Harii Hamutuk ne´e tanba ami halo servisu konjuntu hanaran ezersisiu servisu Hamutuk, ne´ebé ami halo ida ne´e tanba ne´e importante ba ami nia kapasitasaun rekursu humanus iha área lian ingles``,esplika Cornelio Ximenes ‘Maunana’ ba jornalista sira iha Sentru Formasaun Treinu F-FDTL, Metinaro, Díli.
Alende ne´e Kapitaun forsa Australianu, Craic Ashburner, hatete, ezersisiu servisu Harii Hamutuk hodi harii sala treinamentu iha baze Naval Hera atu ajuda Komponente Naval F-FDTL nian, atu simu Ró patrulla husi Australia iha tinan 2023.
“Ezersisisu servisu hamutuk nasaun nain haat, Australia, Estadu Unidu Amérika, Japaun inklui Timor-Leste, servisu hamutuk atu harii``,esplika Craic Ashburner.
Uma ne´e harii ho durasaun fulan ida, no nia konstrusaun hahú iha loron 27, fulan Agostu, no termina iha fulan Setembru ne´e. Uma ne´e iha sala rua.
Hola parte iha seremonia ne´e, reprezentante Governu Embaixador Australia iha Timor-Leste Estadu Unidu Am’erika, Japaun no bainaka sira seluk tan inklui Indonézia.avi
