GMN TV Justica e Segurança Fila husi pengesahan, PNSIK kaptura membru PSHT 31 iha Aeroportu

Fila husi pengesahan, PNSIK kaptura membru PSHT 31 iha Aeroportu

Polísia Nasionál Servisu Investigasaun Kriminal (PNSIK)  kaptura  membru artemarsiais husi Persaudaraan Setia Hati Terate (PSHT) hamutuk 31 hafoin partsipa  pengesahan iha Madiun, Indonesia. Entre membru PSHT nain 31 ne´e, feto 3, mane 28.

Membru artemarsiais hirak ne´e kaptura Segunda (17/9/18) mais ou menus tuku 12 meudia OTL  iha Aeroportu Internasionál Nicolau Lobato, Comoro, Díli.

Polísia Nasionál  Servisu Investigasaun Kriminal kaptura  no halo apreensaun ba atributu artemarsiais PSHT hirak ne´e hafoin hetan pasa revista husi servisu Alfándega.

Hafoin hetan atributu hirak  ne´e Polísia asegura kedas membru hirak ne’e lori  ba iha Kuartel PNSIK, Caicoli, Díli,  hodi halo identifikasaun ba ema ida-idak.

Advogadu  Pedro Aparicio, hateten,  iha nasaun ne´ebé de´it ema hotu-hotu tenki moris iha lei nia okos. Tanba ne´e, membru PSHT ne´ebé mak kaptura ona Polísia halo investigasaun, maibe tenki tuir dalan legal.

Iha nasaun ne´ebé de´it lei mak bo’ot liu  hotu-hotu, katak, sidadaun hotu-hotu, grupu hotu moris iha lei nia okos  ne´ebé lei mak regula hotu.

``Importante  Polísia iha terenu hala´o sira-nia servisu tenki kumpri lei  ne´ebé mak iha. Ha´u sempre hateten fila-fila, se mak sala  tenki prosesa tuir dalan legal  lei mak kondena ema ninia hahalok  kontra lei, labele Polísia ida halo asaun violentu hanesan baku ema  ne´e labele, tanba baku ema ne´e mós kontra ona lei kódigo penal. Ne´ebé  ita-nia Polísia servisu kumpri de´it mak lei,   ita-nia komundiade ne´ebé mak Polísia kaer tenki kolobora. Ne´ebé agora sira Polísia sira kaer ona,  sira tuir prosesu  investigasaun  depois rezultadu nia kontinuasaun ne´e oinsa, maibe   prosesu  ida ohin sira lori mai iha ne´e,  tanba  sira lori atributu artemarsiais, maibe atributu ne´e mós sira la hatais sira  tau iha sira -nia pasta bainhira  mai  to’o aerportu mak Polísia detekta iha pasta laran iha atributu. Atributu artemarsiais  iha lei hateten uza atributu  hodi la’o tun sa’e kontra ona krimi,``esplika Advogadu Pedro Aparicio, ba jornalista sira Tersa (18/09/19) iha Kuartel Jeral PNTL Díli.

Prosesu kapturasaun ne’e, tuir lei númeru 5/ 2017 / kona-ba lei armas brankas  kona-ba rejimi jurídiku relativu iha prátika ba artes marsiais, rituais, armas brankas, rama ambon ne’ebé publika iha Jornal Repúblika iha 19 Abríl 2017.avi


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker