GMN TV Justica e Segurança Forsa rezerva baku Andre Rangel Gomes, Euclides prontu hatan iha tribunal

Forsa rezerva baku Andre Rangel Gomes, Euclides prontu hatan iha tribunal

0 views

Segundu Komandante Polísia Nasionál Timor-Leste (PNTL) Díli Superintendente Assistente Euclides Belo, prontu  mós atu hatan iha Tribunal kona-ba elementu Forsa Rezerva  ne´ebé mak halo agresaun fíziku hasoru Andre Rangel Gomes.

Kazu agresaun fíziku involve membru Forsa Rezerva Munisípiu Díli hasoru Andre Rangel idade 40  nu’udar membru RENITIL no Juventude Loriku Asuain  akontese   iha Delta-Nova  akontese iha loron ida, fulan Setembru,  mais ou menus iha tuku tolu madrugada hafoin partisipa festa kazamentu ida iha Delta-Nova.

``Ami depende ba notifikasaun  ne´ebé mak mai, ha´u  mós prontu ba hatan kualker tempu ba tribunal  ne´e ami-nia servisu,  ba hatan iha juis sira ne´e ami-nia kna´ar atu justifika, tanba asaun ne´ebé mak ami foti ne´e objetivu garante estabilidade, garante seguransa hodi hakmatek. Tanba  ne´e mak  ami prontu nafatin,``esplika Segundu Komandante PNTL Munisípiu Díli Superintendente Assistente Euclides Belo, ba GMN Sesta (14/09/18) iha nia kna´ar fatin  Caicoli  Díli.

Euclides Belo  hatutan,  ba sidadaun  ne´ebé mak hela  iha Díli, tantu rai laran no rai liur mai hela iha Díli, presiza iha seguransa ne’ebé di’ak.

``Ami iha kompromisu atu garante nafatin ita bo’ot sira-nia seguransa, mezmu  PNTL hetan krítika  ne´ebé mak mai ami prontu simu nafatin, maibe ami-nia kna´ar  ne´e garante ita bo’ot sira-nia seguransa. Tanba  ne´e mak  ita bo’ot sira nafatin halo  atividade a vontade, livre tuir prosedimentu hotu, naran katak keta kontra lei, halo  perturbasaun  orden públika no   labele lanu haksoit tun- sa’e  ne´e  toleransia laiha,``dehan Euclides Belo.

Relasiona ho kazu ne´e, iha  Segunda, loron 3, fulan Setembru  vítima ba agresaun fíziku ne’e ho Asosiasaun HAK organiza konferensia imprensa,  izije ba Komandu PNTL atu foti lalais medida  hasoru membru PNTL ne’ebé komete iha agresaun fíziku ne’e.

Tuir artigu 147 Konstituisaun RDTL  númeru ida no rua hateten, Polísia sei defende de´it legalidade demokrátiku no garante sidadaun sira-nia seguransa internu  no sira labele iha partidu polítiku  no wainhira halo prevénsaun kriminal tenki ho respeitu ba direitu umanu.avi


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker