GMN TV Justica e Segurança Laiha komisariu, difikulta servisu KAK

Laiha komisariu, difikulta servisu KAK

0 views

Komisariu Komisaun Anti Korupsaun (KAK) foun to’o oras ne’e seidauk iha, téknikamente funsionamentu la’o normal, maibe polítikamente difikulta servisu KAK nian, relata Diretor Jeral (DJ) prevensaun KAK, Rosário Salsinha Araújo ba jornalista iha Parlamentu Nasional, Kuarta(12/09/2018).

DJ KAK ne’e afirma, maske téknikamente servisu KAK la’o normal, maibe presiza duni prezensa komisariu nian, atu bele lídera instituisaun ne’e.

“Servisu tékinikamente la’o hela, ita la’o nafatin tuir planu asaun nian, maibe ida nível polítiku nian ne’e mak kompetensia nível komisariu nian, no kompetensia Parlamentu nian ida ne’ebé mak atu tau iha ne’eba,”hateten Rosário Salsinha.

Ezekutivu ne’e realsa, kualker se mak atu lídera instituisaun KAK, la’os kestaun, importante Timor-oan, tanba deside KAK nu’udar kopetensia Parlamentu Nasionál nian.

“Se mak atu ba lídera, ami simu, maibe presiza, ne’e importante duni, tanba kuandu instituisaun bo’ot ida, komisariu laiha hanesan de’it bainhira laiha superior ruma, mabe ne’e kompetensia polítika,”tenik Salsinha.

Alende ne’e, Prezidente Parlamentu Nasionál (PPN), Arão Noe, informa, nia parte sei kontinua tau iha ajenda plenaria, kona-ba Eleisaun komisariu KAK nian, maibe depende ba konsensu entre xefi bankada sira V lejislatura nian, tanba Eleisaun ba komisariu presiza prezensa deputadu dois tersus iha plenaria.

“Ha’u ajenda tiha ona, plenaria oin mai ha’u sei ajenda nafatin, agora atu halo Eleisaun ka la’e, ne’e kabe ba bankada sira,”dehan PPN Arão Noe Amaral.

Antes ne’e, Xefi bankada CNRT, Duarte Nunes, deklara, seidauk iha konsensu entre líder bankada sira opozisaun no apoiu governamental nian.

Enkuntu, eleisaun ba komisariu KAK nian, tau iha ajenda ba dala 3 ona, iha ajenda dahuluk Parlamentu adía eleisaun, ba proposta Governu atu prolonga mandatu eis komisariu KAK, Adérito Tilman, tanba deputadu husi AMP husu Governu atu aprezenta kandidatu rua, hodi fó opsaun ba deputadu sira atu hili tuir demokrásia, no ajenda ba daruak ne’ebé Governu aprezenta tan kandidatu Sergio Hornai, maibe kontinua adía, tanba deputadu husi opozisaun walk out iha plenaria, hodi husu bankada AMP ho Governu atu ho konsensu aprezenta kandidatu úniku, maibe deputadu husi AMP rezeita, tanba aprezenta kandidatu úniku, laprezisa eleisaun, maibe nomeia de’it ona.

Mandatu komisariu KAK, Adérito Tilman remata tiha ona desde loron 15, fulan Jullu, tinan  ne’e.Say


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker