GMN TV Justica e Segurança MaJen Lere: Falur mak ba Vise Xefi Estadu Maior F-FDTL ■Outubru simu pose

MaJen Lere: Falur mak ba Vise Xefi Estadu Maior F-FDTL ■Outubru simu pose

0 views

Xefi Estadu Maior FALINTIL-Forsa Defeza Timor Leste (F-FDTL) Major Jeneral (MaJen), Lere Anan Timur, deklara, Brigadeiru Jeneral Falur Rate Laek  mak sei asumi kargu nu’udar Vise Xefi  Estadu Maior F-FDTL, hodi troka Filomeno Paixão atual Ministru Defeza ne’ebé antes ne’e asumi kargu refere.

Nune’e MaJen Lere haktuir tenik, iha loron 1, fulan Outubru, tinan ida ne’e, Falur Rate Laek sei simu  pose nu’udar Vise Xefi Estadu Maior F-FDTL ninian.

“Ha’u ho Prezidenti koalia kona-ba Xefia Forsa Aramda nian, hanoin katak Prezidenti Republika, sei nomeia Vise Xefi  Estadu Maior Jeneral foun. Ha’u nia Vise sem dúvida que dia 1 Outubru halo nomeasaun ba Vise Xefi Estadu Maior Jeneral F-FDTL nian maka Brigadeiru Jeneral Falur Rate Laek”, afirma Lere Anan Timur ba Jornalista hafoin enkontru ho Prezidenti Repúblika Francisco Guterres ‘Lú Olo’, Iha Palásiu Prezidensial Nicolau Lobato Bairo Pite, Díli, Kuarta (26-09-2018).

Lere hatutan, Vise Xefi Estadu Maior iha atu ajuda nia fo apoiu ba nia nu’udar  Xefi Estadu Maior Jeneral F-FDTL, no sira nain rua la’os foin mak servisu hamutuk, maibe dezde uluk situasaun difisil sira servisu hamutuk ona, no agora servisu hamutuk nafatin.

“Balun dehan katak keta aban bain rua la servisu hamutuk, ha’u ho Falur problema la iha, Sabika, aluk no  Maunana, inklui Prezidenti Repúblika no maun Xanana la iha  problema, tamba ami-nia transparensia ba malu, ami nunka subar sasan ba malu, kuandu ami senti buat ruma ba Taur no Falur, Aluk, Maunana,  ami koalia momos ba malu, la’os ida tu fali husi kotuk ne’e la iha, no ne’e lulik tamba ita-nia maluk barak mate”,akresenta Xefi Estadu Maior F-FDTL ne’e.

Nia salienta tan, iha  dia 1 fulan Outubru mak sei fo pose ba  Vise Xefi Estadu Maior Jeneral F-FDTL, no sei hala’o iha Palásiu Prezidensial Nicolau Lobato Bairo Pite.

“Uluk ne’e iha kandidatu rua, maibe kompetensia Governu nian hili Sabika  no Falur Rate Laek, no Primeiru Ministru hili no indijita propoen ba Prezidenti Repúblika mak Komandante Falur mak atu sai Vise Xefi Estadu Maior F-FDTL”, realsa Lere.Oly


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker