Desde Janeiru to’o Setembru, tinan ne’e, Polisia Sientifiku Investigasaun Kriminal (PSIK) loke ona investigasaun ba kazu krimi informatika hamutuk 12, liu-liu relasiona ho autor sira ne’ebé utiliza identidade falsu iha rede social (Facebook) hodi hakanek ema nia pesoa no ema nia integridade.
“Ita iha lei hodi regulariza aktu krimi sira ne’e iha kodigu penal, maibe ita seidauk iha lei karakter esoesialidade hanesan ho nasuan sira hanesan Portugal ho Indonezio,” hateten Xefi Telekomunikasaun Informatika PSIK, Dedi Alvaro Silva ba jornalista sira iha Dili, Sabadu (15/9/2018).
Liu husi diskusaun neébe organiza husi ONG Hadomi Timor iha salaun Luta Hamutuk, Dedi Silva afirma katak, nudar Polisia halo servisu hotu tuir lei no aktu hotu ne’ebé kontra Lei, Polisia prontu atua.
Diskusaun ne’e partisipa mos reprezentante ONG nasional balu, reprezentante operador telekomunikasaun Timor Telecom, Telekomcel, estudantes universitariu ho mos estudantes ensinu superior seluk tan.
Diretor ONG Hadomi Timor, Abrão Monteiro Lamata hateten, aktu hotu ne’ebé autor sira identidade falsu halo hodi kontribui hateten at ema no edit imagen at hodi tau fali ema nia fotu, ne’e krime tuir lei hateten.
ONG Hadomi Timor nia haree tenke halo lei hodi regularize autor sira ne’ebé utiliza rede social la ho responsabilidade. Sa tan, uza facebook hodi insulta deit ema no hateten lia at hasoru ema seluk.ety
