GMN TV Justica e Segurança PTR aprezenta preokupasaun Tribunal ba PM Taur

PTR aprezenta preokupasaun Tribunal ba PM Taur

0 views

Prezidenti Tribunal Rekursu (PTR), Deolindo dos Santos, aprezenta preokupasaun sira ne’ebé durante ne’e  tribunal sira infrenta  ba Primeiru Ministru, Taur Matan Ruak, hodi tau atensaun.

Prezidenti Tribunal Rekursu,  Deolindo dos Santos, Tersa  (11/09), hasoru malu ho Primeiru Ministru,  Taur Matan Ruak,  hodi informa kona ba servisu ne’ebé mak durante ne’e la’o iha Tribunal Rekursu.

Iha sorumutu ho Xefi Governu ne’e, Deolindo dos Santos, aprezenta tribunal ninia preokupasaun ba Primeiru Minstru Taur Matan Ruak, liga ba Orsamentu Jeral Estadu tinan 2019, atu nune’e Primeiru Ministru bele tau iha konsiderasaun.

Hafoin enkontru, Deolindo dos Santos, informa ba jornalista sira katak, preokupasaun seluk ne’ebé importante liu mak, Governu tenki tau atensaun urjenti ba edifisiu Tribunal Distrital Díli.

“Ha’u-nia reuniaun ne’e la liu husi pontu rua mak ha’u hato’o ba Primeiru Ministru, Taur Matan Ruak, nu’udar lideransa ba Governu atual. Saida mak ami ko’alia ne’e, mais ou menus ita haree tempu ne’e la’o dadauk ona, no iha tempu badak nia laran, ita komesa hanoin ona oinsa atu ko’alia kona-ba Orsamentu Jeral Estadu 2019,” informa Deolindo dos Santos ba jornalista sira iha Palácio Governu.

Tanba ne’e, mak Deolindo hato’o nia preokupasaun ba Primeiru Ministru, mesmu agora dadauk ne’e orsamentu jeral Estadu 2018 la’o hela.

“Ha’u hato’o ha’u-nia preokupasaun ba Primeiru Ministru atu haree orsamentu Tribunal iha 2019 nian, oinsa atu tau orsamentu ne’ebé sufisiente ba tribunal para bele haree kona ba organizasaun tribunal nian, tanba hainhira ita ko’alia kona-ba orsamentu Tribunal nian, ita presiza prepara lei organizasaun jdisial ne’e rasik, no ita presiza prepara mós rekursu umanu, no infra-estrutura,” katak Deolindo.

Nia esplika, presiza prepara infra-estrutura, tanba kondisaun servisu tribunal nian ne’e, fatin balu la permite ona atu juiz sira servisu ho di’ak.

“Ita hotu hatene katak, iha Tribunal Díli ne’e, laiha kondisaun ona, bainhira rai nakdoko karik, Tribunal Díli ne’e bele risku, tanba ne’e mak ha’u hato’o ba Primeiru Ministru,” relata Deolindo.

Iha sorumutu ne’e, PTR Deolindo ne’e mós informa ba PM Taur katak, iha tempu badak Tribunal de Contas Timor Leste sei lidera asembleia CPLP, ne’ebé sei realiza iha loron 26-28 fulan ida ne’e.

“Tanba ne’e mak ha’u mai hato’o ba Primeiru Minsitru atu konserta ajenda balu, ho atividade balu ne’ebé mak sei hala’o iha tempu ida ne’e, tanba sei iha vizita kortejia balu ne’ebé mak sei hala’o mai Primeiru Ministru rasik, ba Prezidenti Repúblika no Prezidenti Parlamentu Nasional, nu’udar orgaun soberanu ida,” tenik Deolindo.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker