GMN TV Justica e Segurança Suspeitu MCP tuda rahun kareta EDTL

Suspeitu MCP tuda rahun kareta EDTL

0 views

Suspeitu MCP ho idade tinan 23, Sesta (07/09/18), tuda rahun kareta vidru oin ne’ebé aluga husi kompañia Wartsila, wainhira transporta servisu tékniku Eletricidade De Timor-Leste (EDTL) husi diresaun Díli  atu ba  sentral EDTL Hera.

Kazu  ne´e akontese mais ou menus tuku 8 dadersan oras Timor-Leste iha área konstrusaun ponte Hera, Hudi-Laran.

Kareta  ne´ebé mak suspeitu tuda mak ho sapa matríkula 27-376 Timor-Leste.  Iha akontesimentu ne´e la rezulta pasajeirus ruma kanek.  Suspeitu  tenta  halai, maibe  kondutor kondus kareta mini bus ho nia kolega sira konsege  duni suspeitu kaptura hodi entrega ba autoridade seguransa Eskuadra Becora no detein oras 72 iha sela detensaun Becora Díli.

Kondutor  Nazario  Piedade Cabral,  haktuir kronolojia akontesimentu ne´e  katak,  nia tula  funsionariu tékniku  sira atu ba Hera mak hetan tuda.

``Ami  husi Díli atu ba Hera atu ba servisu sentral Hera, ami tuir dalan husi Fatuahi nia atu tun ba Hera, suspeitu ne´e tuir husi kotuk ho motor  tolok hodi hakilar ba mai  ha´u buat ida la intenta suspeitu ne´e, entaun suspeitu ne´e ho motor halai uluk  tiha, depois to’o tiha iha tetuk Polititeknik Hera nian, suspeitu entrega hikas motor ba nia kolega ida mak tur iha kotuk hodi  kondus fali  depois hodi kontinua la´o depois motor ne´e para, suspeitu ne´e tenta atu husu tan ami, maibe ami mós atu husu suspeitu ne´e tanbasa mak o tolok ami, maibe nia haree ami atu para suspeitu nia kolega aselera motor hodi ba hein fali ami iha ponte foun ne´ebé mak konstroi hela, depois iha ne´eba suspeitu ne´e kesi oin metin ho kamiza mak kaer fatuk  hodi tuda kona kedas vidru, maibe nia halai ami duni nia atu sa’e lutu mak nia monu tun ami kaer duni suspeitu ne´e,``esplika Kondutor  Nazario  Piedade Cabral, ba GMN iha Polísia Eskuadra Becora Díli.

Nia hatutan,  kareta  ne´ebé  hetan tuda ne´e kompañia Wartsila mak aluga.``Ne´e mak ha´u hanesan kondutor ha´u lori, sira atu ba Hera. Ami iha kareta laran hamutuk  nain 9 inklui ha´u,``dehan Nazario  Piedade Cabral.

Iha akontesimentu ne´e, suspeitu ida ne´ebé mak kondus motorizada ne´e halai subar a´an  husi autoridade seguransa.

Maske kondutor  ne´ebé mak kondus kareta mini bus, Nazario  Piedade Cabral, husu  suspeitu seluk  ne´ebé mak hamutuk suspeitu MCP, maibe suspeitu ho inisial refere rejeita la hatene suspeitu seluk ninia hela fatin no paradeiru.avi


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker