GMN TV Justica e Segurança AJAR: Deklarasaun Lere sama ema belar ne’e krime instigasaun

AJAR: Deklarasaun Lere sama ema belar ne’e krime instigasaun

1 views

Sosiedade Sívíl Asia Justice and Rights (AJAR) lamenta ho deklarasaun ne’ebé fó sai husi Xefe Estadu Maior FALINTIL-Forsa Defeza Timor Leste (F-FDTL), Major Jeneral Lere Anan Timur ne’ebé dehan sama ema belar ne’e, krime instigasaun.

Deklarasaun, Xefe Estadu Maior Jeneral FALINTIL-Forsa Defeza Timor-Leste (F-FDTL), Major Jeneral Lere Anan Timur, fó sai iha loron 31, fulan Agostu ne’e, Xefe Estadu Maior Jenerál F-FDTL, Major Jenerál Lere Anan Timur, hasai deklarasaun dezkorda ba kualker manifestasaun ne’ebé ho intensaun atu hatun Prezidente Repúblika.

“Ha’u la husik ema seja quem for hatún ha’u-nia maun sira ne’ebé uluk komandu funu ne’e hahú husi maun Xanana, to’o Taur, Lú Olo, Marí Alkatiri no José Ramos Horta, ema ida la hatún, ha’u haruka futu, kesi Ângela ho Ai-Tahan Matak sama belar hotu, bele hatún joven sira ne’e hanesan Prezideten PN, Aniceto ho Ministru foun sira bele hatún ba mas ha’u-nia katuas sira la hatún ho demonstrasaun, ha’u haruka sama sira no ha’u responsabiliza iha tribunál, iha direitu umanu, ha’u responsabiliza. Uluk funu ne’e ó iha ne’ebé? agora uma ne’e, ami mak harii, ó haruka ami sai husi uma, ó la’ós uma na’in tan, ami harii uma ne’e, ami mak na’in tan ami harii uma ne’e mak uma na’in, ó hakarak duni ami husi ami-nia uma ne’e”, Xefe Estadu Maior F-FDTL, hasai liafuan ne’e iha Ministériu Defeza Fatuhada, Segunda (31/08).

Relasiona ho deklarasaun Lere nian ne’e, sosiedade sivil AJAR lamenta tebes, tanba konsidera deklarasaun ne’e krime.

“Deklarasaun ne’e violentu ninia konteúdu ne’e violentu violénsia polítika, deklarasaun ida ne’e mós nu’udár instigasaun ida, instigasaun ne’e krime, instigasaun katak ita sunu ema atu halo krime, sunu ema atu baku, sunu ema atu futu ema, sama ema belar ne’e krime, ne’e hakerek iha kódigu penál ne’e krime instigasaun”, Diretór Ezekutivu AJAR, José Luis Oliveira, iha nia kna’ar fatin Farol-Díli, Kuarta (02/09).

José Luis Oliveira hateten, tuir loloos líder sira presiza asegura situasaun tuir dalan ho ulun malirin.

Tanba planu manifestasaun ne’ebé Grupu Rezisténsia Nasionál Defende Justisa no Konstituisaun (RNDJK) atu halo ne’e, hetan ona autorizasaun husi Polísia Nasionál Timor-Leste (PNTL). ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker