GMN TV Justica e Segurança Kontrola movimentu ilegál iha fronteira, Somotxo: Governu presiza monta CCTV

Kontrola movimentu ilegál iha fronteira, Somotxo: Governu presiza monta CCTV

1 views

Prezidente komisaun B Parlamentu Nasionál (PN), José Agostinho Sequeira “Somotxo”, hateten, Governu presiza monta Closed Circuit Television (CCTV) no aumenta polísia, hodi kontrola sidadaun sira ne’ebé kontinua tama sai ilegál iha fronteira terestre.

“Maske Timor-Leste implementa Estadu Emerjénsia (EE), maibé iha akontesimentu grupu sira husi sidadaun Timor-Leste (TL) ho Republik Indonesia tama sai, sira iha interese ruma, importante labele lori moras COVID-19, sé polísia kaptura ona ema ruma tenke hatene razaun. Ha’u la hatene sidadaun tama sai ilegál signifika iha rede ruma no iha ne’eba mós hetan subornu atu tama sai, a não ser ita nia polísia ka forsa sira mak fó dalan”, Prezidente komisaun B iha PN ne’e ba jornalista sira iha PN, Kinta (10-09-2020).

Eis Ministru defeza ne’e mós esplika, meius atu kombate sidadaun tama sai ilegál mak iha fronteira presiza monta CCTV no fizikamente tenke koloka postu militár no postu polísia, atu nune’e polísia labele tur de’it, maibé tenke halo patrullamentu.

“Ita tenke hatene oras ne’ebé sidadaun sira atu tama sai ilegál, la’ós ita halo patrullamentu hafoin sidadaun sira tama ona mak ita foin halo patrullamentu difísil atu kontrola, maibé ho teknolojia ne’ebé atu deteta movimentu sidadaun. Hafoin Timor-Leste ukun-an tinan 20 resin ona problema sidadaun tama sai ilegál instituisaun seidauk identifika di-di’ak ajuda polísia ka militár ka fó informasaun. Ita sempre halo alerta jerál ba sidadaun sira, sé bainhira ita haree mak ita admite ba halo hanesan nia servisu, ema seluk labele haree hanesan funu karik ita halo traisaun ba inimigu, nia mai lori tan inimigu tan, ita admite sé forsa mak halo konserteza sira-nia devér”, haktuir reprezentante povu iha PN ne’e.

Somotxo mós preokupa Governu presiza halo rotasaun ba UPF kada fulan tolu (3), atu nune’e evita subornu no korupsaun.

Maske dau-daun ne’e Timor-Leste implementa hela EE, maibé UPF no FALINTIL-Forsa Defeza Timor-Leste (F-FDTL), kontinua kaptura membru Persaudaraan Setia Hati Terate (PSHT) hamutuk 37 ne’ebe tama sai ilegál iha fronteira terestre. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker