GMN TV Justica e Segurança Lere: Ema ruma mak fasilita sidadaun sira tama-sai ilegál fronteira

Lere: Ema ruma mak fasilita sidadaun sira tama-sai ilegál fronteira

0 views

Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur, hatete, iha ema ruma mak fasilita sidadaun sira tama-sai fronteira ho ilegál ba nasaun Indonézia, tanba ne’e Lere husu Governu liu husi Ministeriu Interior (MI) foti medida urjénsia ba ema hirak ne’e.

Lere preokupa maka’as, tanba sa mak la deteta sidadaun sira tama-sai ilegál ba Indonézia hodi ba hasa’e sintu Grupu Arte Marsiál (GAM), maibe fila mai Timor-Leste mak foin deteta, ida ne’e mak presiza foti pozisaun hasoru fasilitadór hirak ne’e.

“Situasaun forsa Armada la’o diak nafatin hala’o ninia misaun fronteira, iha Díli, iha fatin sira ne’ebé komandu koloka ba, problema mak ita preokupa ho situasaun Corona Virus, liu liu preokupa kona-ba fronteira, tantu aeroportu, liña fronteira entre Timor ho Indonézia, ita preokupa tanba hakat fronteira ne’e ilegál mak barak, por ezemplu foin dadauk dehan 300 ou liu ida ne’e, agora ita kestiona se mak fasilita sira ne’e, 300 kedas ne’e ema ruma mak fasilita mak bele deteta sein ita-nia seguransa deteta, ne’e ha’u sei hasoru malu ho Komandante Jeral Polísia Nasional Timor-Leste (PNTL), Ministru no Vise Ministru Interior atu esplika situasaun ida ne’e”, dehan Lere Anan Timur ba jornalista sira, Kuarta (16/09/2020), iha Palásiu Prezidensiál Nicolau Lobato, Bairo Píte, Díli.

Nia afirma, labele admite ema ho ema mak fasilita malu hodi tama-sai arbiru fronteira terestre, tanba nia kauza ne’e bele hada’et moras Corona Virus Disease 2019 (COVID-19) ba ema seluk.

“Se ita deside katak, ita restinji movimentu estranjeiru ninian, limita ona, nusa mak uluk ita deside agora ita halo fali, ne’e mak ha’u hanoin katak kestaun seguransa ba ida ne’e, liu-liu ita nia líder sira toma konta, tenke mos iha responsabilidade”.

Xefe Estadu Maior F-FDTL ne'e salienta, tanba sa mak  tama la kaptura, tanba la deteta, entaun deteta no la toman ne’e ema ruma mak fasilita.

“Por ezemplu uluk funu mos hanesan ne’e, mai to’o villa, maluk sira sa’e kareta,  la’o tun sa’e, porque ema iha para akompaña, ema hirak  ne’e fila mai bele deteta ne’e, tanba sira kumpre ona. Sira ne’ebé ba la’os buat seluk, sira ba hasa’e sira nia fita, kona-ba ida ne’e ha’u hakarak koalia ida ne’e, ita nu’udar nasaun ida soberanu, ita sidadaun Timor, tanba sa mak sira ba halo jura fali iha nasaun seluk, ida ne’e labele. Tanba ne’e mak ha’u hanoin Governu tenke toma medida kona-ba ida ne’e, tanba ita iha Bandeira ida, Governu ida, Estadu ida ne’ebé presta  juramentu no komprimísiu ba bandeira ida ne’e, tanba sa mak Governu la toma medida ba GAM ne’ebé ba bei-beik Indonezia ne’eba, buat ne’e labele la’o hanesan ne’e nafatin, ne’e ema ruma fasilita, Komandante Polisia, Ministru Interior tenke hatene, tanba ne’e kestaun ne’ebé sériu kona-ba oinsa mak ba ne’e la deteta no mai mak deteta”.

Nia fundamenta, ema hirak ne’ebé atravesa fronteira ho ilegál, bainhira Governu deteta, la bele hatama kuarentena deit, tanba ne’e sira la tauk.

“Hatama kuarentena ne’e loos, maibe bainhira sira viola lei tenke fó sansaun. Sira ne’ebé viola fronteira ne’e labele tau iha kuarentena, haruka ba otél sira mak selu sira nian, Governu ne’e hanoin pasivu demais, Governu ne’e diak liu ba ema halo sala ne’e, komete krime hatama kuarentena depois Governu fo tan hahán, haruka ba otél para sira selu rasik, tenke toma medida ruma, porque hanoin labele halimar ho povu ninia vida". Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker