GMN TV Justica e Segurança Lixu konstrusaun haleu mota Comoro, SEA: Komunidade tenke hato’o keixa

Lixu konstrusaun haleu mota Comoro, SEA: Komunidade tenke hato’o keixa

0 views

Sekretáriu Estadu Ambiente (SEA), Demétrio do Amaral de Carvalho, husu ba komunidade ne’ebé hela besik mota Comoro atu hato’o keixa wainhira identifika kompañia balun soe lixu konstrusaun iha área mota Comoro, hodi fó impaktu ba ambiente.

“Soe materiál reduzial iha mota laran uza kódigu penál ne’e krime no populasaun ne’ebé hetan efeitu husi empreza sira-nia asaun sira ne’e por favór bele pronúnsia no bele halo keixa ba Ministériu Públiku (MP) nu’udár krime ambientál, nu’udar autoridade hakarak hateten ba krime ambientál hotu ita la tolera, ita-nia kódigu penál fó dalan atu ema sira ne’ebé halo asaun krime ambientál sira bele hetan punição husi Estadu husi tribunal, tanba ne’e ita presiza evidénsia”, SEAK ne’e iha edifísiu eis Embaixada Portugál, Segunda (07-09-2020).

Governante ne’e mós promete sei koordena ho Ministériu Pétroleu no Rekursu Minerais (MPRM) hodi hapara atividade eskavasaun ne’ebé kompañia sira halo iha mota Comoro, tanba la tuir padraun no sei estraga ambiente.

“Ha’u nia oponiaun pesoál mota Comoro hahú hetan vuneberildade maka’as, tanba asaun sira ne’ebé halo ona iha tinan barak nia-laran empreza balun ne’ebé halo eskavasaun ba mineiru rai-henek no fatuk sira la uza standar ne’ebé sustentabel, ha’u sei halo sorumutu dala ida ou rua tan ho MPRM atu haree asaun ne’ebé propriadu”, tenik Demétrio.

Enkuantu ba komundiade ne’ebé kontinua harii uma iha mota-ninin SEAK sei kopera ho Vise Primeiru Ministru Asuntu Planu Ordenamentu atu bele foti asaun ruma, tanba sei fó risku maka’as ba komundiade sira rasik iha tempu udan.

Antes ne’e komunidade iha área Fau-Laran, Feliciano Mesak Soares, hateten, lixu hirak ne’e sei halakon mota Comoro nia imajen iha ema estranjeiru sira nia matan, tanba lokaliza besik iha aeroportu internasionál Nicolau Lobato.

Nune’e mós nia parte husu ba autoridade lokál no Governu atu bele estabelese pesoál seguransa, hodi asegura mota Comoro, liu-liu husi ema sira ne’ebé laiha konsiénsia.

Maske Governu aprova ona dekretu Lei Númeru 26/2012/ 4 de Julho hanesan baze atu proteje ambiente hodi bele hatur prinsípiu no regra, hodi konserva no kuida ambiente, maibé to’o agora lei refere la aplika terenu.

Entretantu lixu konstrusaun refere nakonu iha mota laran, hahú husi área Ponte Comoro 3 ka Ponte Hinode Fomentu to’o iha Ponte CPLP iha Kampung Tuti no Fau-Laran. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker