GMN TV Justica e Segurança Renan Selac mate, Lere konsidera TL lakon tan biblioteka ida

Renan Selac mate, Lere konsidera TL lakon tan biblioteka ida

0 views

Saudozu, Faustino dos Santos “Renan Selac” (Rende Nunca Anão Ser Leva A Cabeça) remata nia viajen moris iha mundu (mate), ho nune’e, Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur, konsidera Timor-Leste (TL) lakon tan biblioteka ida.

Lere Anan Timur hato’o lia hirak ne’e iha ninia diskursu hafoin halót Saudozu Faustino dos Santos “Renan Selac” iha Osoáriu Lospalos, munisípiu Lautem, Tersa (15/09).

Lere lori veteranu hotu nia naran husu ba saudozu sira ne’ebé mak ba ona mundu seluk atu bali nafatin sira ne’ebé sei moris, nune’e bele tau matan ba faluk oan kiak sira ne’ebé mak sofre ho situasaun ne’e.

Gerilleiru ne’e apela ba veteranu hotu, kuidadu-an hodi hadók husi tentasaun sira ne’ebé mak ema laran fo’er no laran aat ba nasaun no povu ne’e.

“Ami veteranu lakon tan kamarada ne’ebé que ami hadomi, ami-nia maun ne’ebé que ami hadomi, Renan Selac ninia lakon ita hanesan lakon biblioteka ida, istória ida que seidauk konta hotu, maibe nia husik ona ita, ita ne’ebé que sei moris ita mak sei hatutan, ita mak sei sai testamuña ba istória ne’ebé husik hela, ba maluk veteranu sira, ita-nia alin, ita-nia maun, ita-nia kompañeiru da luta Renan Selac ita la’o hamutuk iha dalan naruk teb-tebes iha dalan ne’ebé difísil iha tinan naruk nia laran hakat ba ninia isin mate, fakar ninia ran iha leten hanesan mós fakar ita nia ran ba ita ne’ebé que sei moris, ita bele dehan katak ita kontente, tanba hanesan ohin señor Primeiru Ministru dehan katak ita sorte depois de 20 anos ita-nia maluk rihun ba rihun mate iha ita nia kotuk, ita sei bele hakat to’o ohin loron, maibe ita husik uluk ita mate ai-laran karik mate-mate ona, ba maluk veteranu sira seguransa nafatin ba ema sira ne’ebé laran fo’er laran susar ba ita, dalaruma gerilla ita atu mate mohu ha’u bele dehan katak ita-nia maluk, ita-nia kamarada Renan Selac foin dau-daun husik ita, abanbainrua ida sei mate tan ne’e mak ema laran makerek sira halo, maibe la buat ida o ba ona mundu seluk, o ba hamutuk o nia maluk sira ne’ebé que, ha’u husu ba imi atu bali ami nafatin”, dehan Lere.

Saudozu Renan Selac durante ne’e asume hela kargu nu’udár Vise Prezidente Konsellu Veteranu Nasionál no Prezidente Konsellu Veteranu munisípiu Lautem.

Veteranu Faustino dos Santos “Renan Selac” hakotu nia peregrinasaun iha mundu, iha Kinta, loron 10, fulan Setembru ne’e, iha Hospital Nacionál Guido Valadares (HNGV), Bidau-Díli, tanba sofre moras komplikasaun.

Faustino dos Santos “Renan Selac moris iha suku Fuiloro-Lautem, iha loron 1, fulan Maiu, tinan 1957. Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker