Sidadaun Xinéz ida hetan tuda husi sidadaun ida iha Tasi Tolu, foin la-lais ne’e, wainhira iha hela ninia loja laran.
Tuir informasaun Polísia katak, kazu ne’e akontese iha Sábadu semana kotuk, iha Tasitolu, Suku Comoro, Postu Administrátivu Dom Aleixo, munisípiu Díli.
“Hanesan mós ema ne’ebé mak tuda Xinés ida iha Tasi Tolu mós ne’e identifikadu, prosesu la’o hela ita detein tiha hein nia kontinuasaun”, Komandante Jerál Polísia Nasionál Timor-Leste (PNTL), Komisáriu Faustino da Costa ba jornalista sira, Kinta (19/09/20), hafoin hala’o enkontru semanál ho Prezidente Repúblika (PR), Francisco Guterres Lú Olo, iha Bairo Píte, Díli.
Iha enkontru ne’e, líder máximu instituisaun PNTL, Komisáriu Faustino da Costa aktualiza informasaun mós kona-bá kazu konfrontu entré joven sira iha Tibar ba PR. Entretantu kazu refere submete ona ba prosesu investigasaun. avi
