GMN TV Justica e Segurança Sosiedade sivíl konsidera F-FDTL serku sede RNDJK ne’e violénsia

Sosiedade sivíl konsidera F-FDTL serku sede RNDJK ne’e violénsia

0 views

Sosiedade Sivíl Asia Justice And Right (AJAR), konsidera vijilánsia FALINTIL-Forsa Defeza Timor-Leste (F-FDTL) iha rezidénsia Ângela Freitas, hanesan atuasaun violentu.

Iha Tersa loron 1, fulan Setembru ne’e, forsa armadu hala’o vijilánsia iha rezidénsia, Ângela Freitas, porta voz grupu Rezisténsia Defende Justisa no Konstituisaun (RNDJK), iha Bairu Formoza-Díli.

Tuir Diretór AJAR, José Luis Oliveira, konsidera, prezena ajente forsa defeza sira, halo vijilánsia ne’e, hanesan atuasaun violentu.

José Luis Oliveira esplika, atuasaun ne’e iha relasaun ho Ángela Freitas ho nia grupu nia ajenda ne’ebé atu halo manifestasaun hasoru Estadu, iha loron hat, fulan ne’e.

“Prezensa militar ida ne’e iha relasaun mós ho deklarasaun komandante Lere ni’an iha loron hira antes ida ne’e, buat ida ke lamentavel tebes, tanba deklarasaun ne’e rasik deklarasaun husi komandate ne’e rasik violensia polítika, buat esperensia ne’ebé uluk ita povu Timor infrenta iha 75, 76, 77 hanesan iha ai-laran diverjénsia polítika entre FRETILIN sira hodi ema barak mak mate, ne’e hamosu uluk trauma, uluk ne’e buat polítiku ne’e bai-bain naran labele uza violénsia lamentavel tebes, tanba deklarasaun ne’e hasai husi komandante forsa ne’ebé que tuir loloos nia nu’udár forsa ba soberania nasaun ne’e”, dehan, Diretór AJAR, José Luis Oliveira, iha nia kna’ar fatin Farol-Díli, Kuarta (02/09).

Nune’e mos, Vise Diretór Fundasaun HAK, Xisto Dos Santos hateten, atuasaun ne’e la proporsionál, tanba la fó liberdade ba sidadaun sira, atu espresa sira nia hanoin.

Tanba ne’e, Xisto Dos Santos husu ba Prezidente Repúblika (PR), nu’udár aman nasaun, tenke hato’o mensajen ruma ba públiku, nune’e ema hotu labele sente tauk, wainhira atu espresa sira nia hanoin.

“Sívil bai-bain mak la uza kroat ho liman mamuk atu espresa sira nia direitu polítiku ruma mak hetan atuasaun ho forsa mai hanoin katak ida ne’e ladun proporsionál, tanba sé ita observa iha terenu ne’e halo ema la sente livre ona atu hateten buat balun ne’ebé la’o dau-daun ona iha ita nia rai laran, ami hanoin ne’e momentu ida ba nai Prezidente Repúblika nu’udár aman ba nasaun atu hasai mensajen ruma ba povu”, dehan, Xisto dos Santos.

Maske forsa armadu sira ne’e, halo vijilánsia iha Ângela freitas nia rezidénsia, maibé to’o ohin loron husi parte instituisaun defeza nian, seidauk hato’o informasaun ruma kona-bá razaun no objetivu ajente forsa defeza sira ba halo vijilánsia iha fatin ne’eba. Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker