Elementu FALINTIL Forsa Defeza Timor-Leste (FFDTL) na’in tolu sofre kanek kmaan, hafoin asidente tráfegu iha Becora.
Asidente ne’e mosu, bainhira karreta F-FDTL ho marka HICOM ho diresaun husi Hera mai Díli, no to’o iha parte Becora nian, karreta HICOM ne’e nia travaun avaria derepente.
Motorista Elizeto Soares, nu’udar elementu F-FDTL haktuir, hafoin travaun avaria, rejulta kedas karreta halai ses hosi estrada ba parte liman karuk, no kose kedas karreta privadu ida to’o kabetak.
Asidente tráfegu ne’e akontese Segunda (06/09) iha área Bekora, mais ou menus tuku 11 meudia oras Timor-Leste.
Akontesimentu ne’e rezulta membru forsa armada na’in tolu kanek, no evakua kedas ba hala’o tratamentu iha Hospital Nasionál Guido Valadares.
Motorista kareta privadu konta, nia mai husi diresaun Hera, maibé to’o iha iha área Bekora nian, kareta F-FDTL halai maka’as, hodi kose kareta privadu refere.Tanba ne’e husu ba instituisaun F-FDTL atu hadia fali nia kareta.
“Hau la sala tanba nia soke hau husi kotuk ne’e mak hau halai ba sorin, nia antes atu soke ne’e hau rona nia apita hau hateke husi espellu nia halai mai maka’as lós, ne’ebe hau mós halai maka’as nia tuir hau labele nafatin tanba kareta bo’ot mak tuir mai ne’e kona dadauk, vidru rahun bodi a’at hotu,”esplika António da Costa, núdar motorista kareta privadu.
Polísia Tránzitu Munisípiu Díli, halo ona identifikasaun ba iha fatin akontesimentu hodi foti informasaun, husi sidadaun kondúz karreta privadu.
No membru F-FDTL ne’e, Polísia Militar (PM) halo ona investigasaun ba motorista hodi hatene motivu loloos husi asidente refere.avi
