GMN TV Justica e Segurança Ermera, kadete F-FDTL na’in ualu naran la tama iha lista

Ermera, kadete F-FDTL na’in ualu naran la tama iha lista

1,004 views

Kadete FALINTIL-Forsa Defeza Timor-Leste (F-FDTL) na’in ualu husi Munisípiu Ermera naran la tama iha lista.

“Naran sira ha’u ba konfirma iha Polísia nian iha dia 18 fulan Setembru iha, maibé ohin mai  bolu fali naran iha Díli laiha. Sira na’in 8 ne’e teste fíziku hotu tiha ona, agora sira ne’e naran laiha fali? Ami atu hasoru diretamente  ami-nia maun bo’ot Tenente Jenerál Lere Anan Timur  atu informa ba maun bo’ot,”esplika Veteranu Florentino Soares alias “Lian Maulohi”, ba jornalista, Kinta (23/09/2021), iha  Kuartel Jenerál F-FDTL, Fatuhada, Díli.

Veteranu ne’e dehan, bainhira iha  Segunda (27/09)  kadete na’in 8 mak la tama sentru Formasaun Treinu F-FDTL, sira hakarak tuir teste fila-fali.

“Ami husu tenke tuir teste fila-fali atu nune’e bele hala’o selesaun foun,” katak Lian Maulohi.

Hatán ba preokupasaun ne’e, Xefe Estadu Maiór Jenerál F-FDTL Tenente Jenerál, Lere Anan Timur, konfirma, sei tuur hamutuk ho komisaun rekrutamentu atu rezolve kestaun lista naran ne’ebé laiha.

“Buat hotu iha hau-nia liman, hau mak rekomenda, hau mak haruka pasa ka la pasa, la’ós kualker ofisiál mai dehan kandidatu ida ne’e pasa ka lae,”dehan Lere Anan Timur.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker