GMN TV Justica e Segurança Kadete foun F-FDTL na’in ualu eliminadu

Kadete foun F-FDTL na’in ualu eliminadu

461 views

Xefe Estadu Maiór Jenerál  FALINTIL-Forsa Defeza Timor-Leste (F-FDTL) Tenente Jenerál Lere Anan Timur, hatete, F-FDTL deside kadete foun na’in 600 tama Sentru Formasaun Treinu Metinaro, no elimina na’in ualu, tanba envolve iha arte marsiál no feto ida grávida.

“La’ós na’in lima, maibé na’in ualu karik, tanba feto ida estadu (isin-rua), substitui agora iha tiha ona. Sira balun la mai, balun arte marsiáis, balun teste hotu ba tuku malu. Militár, ita tenke sensiridade, ita bele komando oinsá mós nunka mais hetan susesu husi instituisaun nia laran, balun depois teste ain naksalak tiha. Ne’ebé ita labele hein, rekrutamentu ohin hahú, laiha, avansa ida seluk”

esplika Xefe Estadu Maiór Jenerál  F-FDTL Tenente Jenerál Lere Anan Timur, ba  jornalista sira Segunda (27/09/2021), iha Kuartel Jenerál F-FDTL, Fatuhada, Díli.

Kadete F-FDTL na’in ualu ne’ebé eliminadu, substitui kedas ho na’in ualu seluk, nune’e kompleta fali kadete foun 600 nafatin, tama ba iha inkorporasaun.

Kadete na’in ualu ne’ebé mak eliminadu inklui kadete na’in tolu, ne’ebé antes ne’e Komisaun Rekrutamentu F-FDTL elimina iha Kuarta (22/09).

Kadete foun sira ne’e tama iha loron 27 fulan ne’e, iha sentru Formasaun Treinu F-FDTL Metinaro, hodi kontinua tuir formasaun. Formasaun  ne’e sei hanorin husi instrutór forsa armada nian ho durasaun tempu fulan haat hodi tama ba iha juramentu.

Husi kadete 600 ne’e kompostu mane 554 no feto 60, kategoria rejime espesiál ba veteranu nia oan sira 283 no rejime jerál ba sidadaun bain-bain nia oan hamutuk 317. 

Kadete F-FDTL entrega atributu GAM

Xefe Estadu Maiór Jenerál FALINTIL-Forsa Defeza Timor-Leste (F-FDTL) Tenente Jenerál Lere Anan Timur, apela ba kadete 600 ne’ebé tama ona iha Sentru Treinu Metinaro, karik envolve iha Grupu Arte Marsiál ka Arte Ritual ruma, tenke entrega fali atributu sira.

“Loron ida, imi sei entrega imi-nia atributu artemarsiais ba  instituisaun, so ida ne’e mak imi tama ba efetivu loloos, antes imi sei halo juramentu ba bandeira RDTL. Juramentu ba bandeira lia-fuan ida lulik, todan, imi tenke kumpri. Liafuan ida mak, imi labele haluha  mak dehan, ha’u prontu fó ha’u nia vida ba nasaun ne’e, úniku imi prontu, mas imi sei lori fulan tolu, fulan ha’at atu tama ba juramentu ida ne’e,” Lere Anan Timur, iha nia diskursu.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker