GMN TV Justica e Segurança Koloka F-FDTL iha fronteira bele “provoka konflitu”

Koloka F-FDTL iha fronteira bele “provoka konflitu”

286 views

Eis Prezidente Repúblika, José Ramos Horta, la konkorda desizaun Governu, ne’ebé atu koloka membru FALINTIL–Forsa Defeza Timor- Leste (F-FDTL) iha fronteira.

“Hau la konkorda atu troka fali F-FDTL maka halo jestaun fronteira e hasa’i PNTL ne’e bele provoka konflitu institusional bo’ot ida” hatete José Ramos Horta, ba GMN iha nia rezidensia Farol Kuarta (08/09).

Nia hatete, F-FDTL nia kna’ar, la’os halo jestaun iha imigrasaun no halo jestaun seguransa fronteira. Maibé iha situasaun pandemia COVID-19 ne’e, F-FDTL bele reforsa iha liña fronteira.

“Iha situasaun krize pandemia entaun F-FDTL bele halo back up, ne’e normal” tenik nia.

Antes ne’e, Xefe Estadu Maior Jenerál F-FDTL, Tenente Jenerál Lere Anan Timur afirma, atu asegura seguransa iha fronteira ne’e, toma konta husi F-FDTL, la’os PNTL.

Maibé uluk iha Governu tranzisaun nian, Nasoens Unidas mak koloka fali UPF, hodi fó seguransa iha liña fronteira sira, “mas lolos ne’e la’os Polísia”dehan Lere.

Mesmu eis xefe Estadu rejeita atu koloka membru F-FDTL iha fronteira, maibé Konstituisaun RDTL artigu 146 kona-ba ‘Forsa Armada’, iha númeru 1 hatete, “Timor-Leste nia Forsa Armada, FALINTIL-FFDTL, komposta exkluzivamente ho sidadaun nasionál, iha responsabilidade ba Repúblika Demokrátika Timór-Leste nia defeza militár no iha organizasaun ida-de’it iha territóriu nasionál tomak.”

No númeru 2 mos dehan, “FALINTIL-FFDTL garante independénsia nasionál, integridade territoriál no populasaun sira nia liberdade no seguransa hasoru agresaun ka ameasa externa naran ida, ho respeitu ba orden konstitusionál.”Tos


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker