GMN TV Justica e Segurança Lere seidauk deside atu elimina kadete na’in tolu

Lere seidauk deside atu elimina kadete na’in tolu

128 views

Xefe Estadu Maiór Jenerál FALINTIL Forsa Defeza Timor-Leste (F-FDTL), Tenente Jenerál Lere Anan Timur, hatete, nia seidauk deside atu elimina kadete na’in tolu.

Maske Komisaun Rekrutamentu ba membru F-FDTL foun, iha Kuarta (22/09) fó sai ona ba públiku katak, komisaun elimina kadete na’in tolu ne’e, tanba deskonfia ida envolve iha arte marsiál, ida tanba hahalok iha tempu pasadu no ida fali la pontual.

“Hau seidauk  koalia  buat ida, ema ida seidauk eleminadu. So hau mak elemina bele. Hau mak autóriza, hau mak la autoriza, iha militár ne’e kadeia militár ne’e úniku, hau mak komanda, entaun seidauk. Sira bele komentáriu elemina na’in tolu, na’in ha’at mós, enkuantu hau seidauk deside, ema seidauk elimina,” afirma Lere Anan Timur, Kinta (23/09), iha Kuartel Jenerál F-FDTL Fatuhada, Díli.

Lere dehan, kuandu hakarak tama iha forsa armada, dahuluk tenke lealdade, seriedade, patriotizmu no nasionálizmu, tanba sai forsa armada tenke servisu ba rai no Estadu.

“Tanba kompromisu ida ita kuandu tama ba vida militár, termu ida mak labele haluha, ha’u prontu, kuandu nesesáriu hau fó hau nia vida, quer dizer nasaun nia destinu bo’ot liu ó nia vida. Kumpri devér no devér nu’udar lutu ba nasaun,” dehan Lere.

Membru sira ne’ebé pasa iha selesaun atu tama instituisaun F-FDTL, iha tinan ida ne’e hamutuk 600. Maibé husi númeru ne’e, komisaun rekrutamentu elimina tiha kadete na’in tolu. Nune’e númeru kadete sira ne’ebé aprezenta-an ba komisaun iha Kuartel Jenerál F-FDTL Fatuhada iha loron 22, 23 fulan ne’e hela deit 597.

Maibe ho Tenente Jenerál nia deklarasaun ne’e, komisaun rekrutamentu seidauk fó sira-nia deklarasaun kona-ba atu elimina duni kadete na’in tolu ne’e ka lae.

Tuir oráriu, kadete  sira  ne’e, sei tama iha Sentru Formasaun Treinu F-FDTL iha Metinaro iha Segunda (27/09) hodi hahú sira nia formasaun.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker