GMN TV Justica e Segurança Notifikasaun TDO ba Pe. Johanes laiha koñesimentu husi Arsebispu

Notifikasaun TDO ba Pe. Johanes laiha koñesimentu husi Arsebispu

670 views

Padre (Pe) Superiór Rejionál SVD, Johanes Suban Gapun, SVD,  lamenta ho desizaun Tribunál Distritál Oecusse (TDO) ne’ebé  hasai  karta  notifikasaun, maibé laiha koñesimentu husi Arsebispu Arquidioseze Metropolitana Díli, Dom. Virgílio do Carmo da Silva,SDB.

“Tuir loloos Arsebispu tenke hatene, bispu tiha mak fó hatene mai ha’u, maibé hasai mandadu hanesan ne’e bispu la hatene, atu kansela ruma mós bispu la hatane, tribunál fó karta direta mai ha’u. Polísia la halo kapturasaun mai ha’u horseik Polísia na’in rua mai halo konfirmasaun mai ha’u, ne’ebé ha’u dehan ba Polísia ha’u hakerek ona karta dala rua ona ba tribunál katak juíz balun dehan katak bele depois mak rona rezultadu, maibé dehan eskrita ne’e ema la simu tanba advogado balun hakarak ha’u nia prezensa, maibé uluk ha’u iha ne’ebá dala rua kansela. Ne’e mak lakon konfiansa. Agora ba ne’e atu marka prezensa  hodi fó sasin ba kazu topu-honis,” esplika Padre Johanes Suban Gapun, SVD iha Aeroportu Internasionál Nicolau Lobato, Díli, Sesta (24/09).

Saserdote ne’e, ho aviaun ZEESM husi Díli mais ou menus tuku tolu ho balu,  no to’o Aeroportu Rota do Sándalo Oecusse, mais ou menus tuku 4 ho balu oras Timor-Leste, akompaña husi padre José Taçain, SVD.

Hafoin to’o iha aerportu Rota do Sándalo, Polísia Investigasaun Rejiaun Administrativu Espesiál Oecusse,  lori kedas padre ne’e, ba tribunál hodi fó sasin, kona-ba kazu pedofilia ne’ebé deskonfia komete husi eis padre Richard Dasbach.

Alénde ne’e padre José Taçain, nu’udar membru SVD lamenta ho publikasaun husi media online balun, tanba hateten, karta ne’ebé tribunál Oecusse liu husi ofisiál justisa entrega ba padre João Suban Gapun, SVD nu’udar mandadu kapturasaun.

Maibé karta lolos ne’e mak notifikasaun atu sai testamuña, hodi fó depoimentu iha TDO.

“Bainhira sira hasai mandadu ba amu lulik sira, tribunal tenki halo karta pedidu normal ne’e ba Arsebispu, ita bo’ot sira jornalista imi tenki estuda  atu komprende  katak amu sira  iha mundu ne’e hanesan  ema ligus bain-bain, ami iha ornidadis bugar nia okos, ornidadis ne’e se bispu, Arsebispu ne’e tenki hatene katak iha momentu ida ne’e mak los, sira agora politiza bo’ot ne’e, ne’e sai komfuzaun” dehan padre José Taçain.

Notifikasaun ne’e TDO hasai iha loron 17, fulan ne’e, husi ofisiál justisa Oecusse nian ba padre João Suban Gapun, SVD,  no Karta refere parte sasin simu iha loron 21  fulan ne’e.

Karta notifikasaun  ne’e, TDO hasai iha loron 17 fulan Setembru ho númeru NUC 0022/19.PGGCC.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker