GMN TV Justica e Segurança PR konkorda destaka F-FDTL iha fronteira

PR konkorda destaka F-FDTL iha fronteira

157 views

Prezidente Repúblika (PR), Francisco Guterres Lú Olo, konkorda ho desizaun Primeiru Ministru  no Ministru Interior, Taur Matan Ruak, ne’ebé hakarak destaka membru FALINTIL-Forsa Defeza Timor-Leste iha fronteira terrestre.

“Nia konkorda, nia konkorda destaka forsa armada iha fronteira ne’ebá ne’e, koalia kona-ba lei Defeza Nasionál, lei Defeza Nasionál ne’ebá ne’e mai husi konstituisaun ka lae? Seidauk muda, entaun di’ak liu muda tiha konstituisaun dehan katak F-FDTL seguransa interna PNTL Defeza Esterna to’o ona, ne’e se mak atu viola fali konstituisaun ne’e,” dehan Lere Anan Timur, hafoin enkontru ho PR Francisco Guterres Lú Olo, iha Palásiu Prezidensiál, Kuarta (22/09).

Mesmu Xefe Estadu konkorda koloka F-FDTL liña primeiru iha fronteira terrestre, maibé iha lider nasionál no líder rejisténsia balu seidauk iha deklarasaun ruma kona-ba asuntu ne’e.

“Ha’u hanoin ha’u-nia maun sira ne’e tantu Ramos Horta ka maun Mari ka maun Xanana koloka nia-an hanesan líder nasionál labele koloka nia-an hanesan ONG ida, ida ne’e mak ha’u-nia hakarak, ha’u mós hanesan ne’e hau mós tenki koloka hanesan lider i hanesan Jenerál,” tenik.

Tuir lei númeru 3/2010 kona-ba Defeza Nasionál, hatúr iha artigu 1 ‘Defeza Nasionál’ katak, O Estado Timorense garante, nos termos da Constituição, aindependência nacional, a integridade do seu território e aliberdade e a segurança das populações aí residentes dequalquer agressão ou ameaça externa.

Ramos Horta: Governu planeia didi’ak molok destaka F-FDTL ba fronteira

Eis Prezidente Repúblika, José Ramos Horta, akonsella Governu planeia no halo estudu didi’ak, molok destaka FALINTIL-Forsa Defeza Timor-Leste (F-FDTL) ba fronteira terrestre.

“Hau akonsella diak Governu hanoin no planeia diak hodi halo estudu kle’an, molok destaka F-FDTL halo servisu iha Fronteira,” dehan José Ramos Horta, Tersa (22/09) hafoin partisipa lansamentu plaka Avenida Rua Liberdade Imprensa iha Rotunda Merkadu Lama Díli.

Eis Diplomata ne’e komprende frustasaun iha setór balu, inklui Ministériu Defeza (MD), tanba ema atus ba atus tama no sai ílegal hosi fronteira, tanba ne’e nia prefere atu tau F-FDTL iha liña daruak.

“Karik Governu rona hau, hau fó hau nia opiniaun maibé la signifika hau iha razaun, Governu presiza rona mós eis Primeiru Ministru Mari Alkatiri no Kay Rala Xanana Gusmão, tanba asuntu fronteira delikadu ho Indonézia tanba ne’e tenke kuidadu no labele muda sem la halo konsulta ho Líder Nasionál sira ne’ebé iha esperiénsia kle’an relasaun ho Indonézia”.Bem/Fel


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker