GMN TV Justica e Segurança PSHT sei lori elementu Polísia balu ba Tribunál

PSHT sei lori elementu Polísia balu ba Tribunál

527 views

Sekretáriu Jerál organizasaun artemarsiál Persaudaraan Setia Hati Terate (PSHT), Pedro Aparício, promete sei lori membru Polísia Nasionál Timor-Leste (PNTL) balun ba Tribunál.

Tanba deskonfia pesoál Polísia balu baku membru PSHT na’in rua to’o dada iis ladi’ak no ren-to’os nakles bobar ho ligadura.

“Husi PSHT rasik ami sei halo keixa ida ba iha Polísia sira halo atuasaun, tanba ne’e krime. Krime ita labele toleransia, tenke tuir duni prosesu para futuru hotu-hotu moris tuir regra” dehan Sekretáriu Jerál PSHT, Pedro Aparício ba GMN, Sesta (10/09) iha Ai-Mutin Díli, bainhira PNTL kaptura elementu PSHT na’in 116, iha Manleuana-Díli.

Advogadu Privadu ne’e rekoñese iha duni elementu balu viola regra, maibé autoridade segurasan tenke atua tuir lei ne’ebé iha, la’os ho agresaun fíziku.

“Polísia atua mós tenke tuir regra, labele atua situasaun tuir pesoál nia gostu” tenik Pedro Apáricio.

Deklarasaun Pedro Aparício, ne’ebé sei lori membru PNTL balu ba Tribunál, GMN tenta  konfirma ho Komandante PNTL Munisípiu Díli Superintendente Xefe, iha Kuartel Polísia Caicoli, maibé Komandante ne’e la fó komentáriu, tanba okupadu ho servisu seluk.

Membru PSHT na’in 116 ne’ebé mak PNTL kaptura, submete ona ba teste rastreiu, na’in haat pozitivu COVID-19,  hodi entrega ba Sentru Interadu Jestaun Krize hodi kumpri kuarentena, na’in 112, submete ona Tribunál Distritál Díli, hodi tuir primeiru interogatóriu.avi


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker