GMN TV Justica e Segurança Estudante baku profesora to’o mi an

Estudante baku profesora to’o mi an

0 views

Estudante ho inisial CV baku nia profesora Vitoria Hendrique to’o desmaia no mi an.

Tuir akuzasaun husi Ministeriu Publiku katak, iha loron 9 fulan Julhu tinan 2015, tuku 10:40 dader iha eskola sekundariu jeral FINANTIL Aimutin, lezada Vitoria tama ba aula trez, atu hanorin alunus sira kona ba materia Portuguesa.

Iha sala laran lezada husu ba alunu sira atu hatama Trabalho de Casa (TPC) ne’ebe lezada fo iha semana antes, iha momentu ne’e arguido tama sai iha sala laran hodi dehan eu não quero portuguesa, hare arguidu nia hahalok lezada la prekupa no kontinua hanorin alunu sira no hakaat ba kuadru atu hakerek, derepenti arguidu mai husi lezada nia kotuk hodi dehan tan eu não quero portuguesa no tuku kedas lezada nia ulun dala rua, bainhira lezada fila fila kotuk tenta salva an mak arguidu kaer lezada nia liman dulas no silu halo lezada monu ba rai no mi an depois desmaia kedas.

Ho arguidu nia hahalok ne’e mak Ministeriu Publiku akuza arguidu ho krime ofensas integridade fisiku simples tuir kodigi penal Timor-Leste.

Hafoin juiza prezidente le tiha akuzasaun husi Ministeriu Publiku, tribunal rona kedas deklarasaun lezada no lezada informa arguidu CV mak tuku nia no silu nia liman to’o mi an iha aula trez.

“Hau la hatene motivu saida mak nia tuku no silu hau nia liman, hau tama iha sala laran nia mak sai tama hau la prekupa depois nia koalia tan eu nao quero portugues mos la prekupa kontinua hanorin alunus sira seluk, derepenti det hau hakat ba kuadro atu hakerek mak nia ataka hau,’’ koalia lezada Vitoria ba ba tribunal.

Vitoria esplika, kauza husi arguidu nia hahalok ne’ebe pankada lezada nia ulun makas halo lezada nia memoria ladun diak ona, tanba nia sai ema ne’ebe mak haluha dor, tau sasan tiha iha fatin ida nia lahatene ona.

Depois lezada mos tenki hapara nia aktividade hanorin durante fulan nen nia laran no lezada nia liman mos labele kaer servisu todan inklui hit sasan todan.

Rona tiha deklarasaun husi lezada tribunal adia fali audensia julgamentu ne’e ba loron seluk hodi kontinua rona testamunha.

Julgamentu ne’e prejidi husi juis koletivu, Edite Palmira. Ivan Suritay ho juisa Maria Modesta, Ministeriu Publiku reprezenta husi rpokurador Hipolito Santa, arguidu hetan asistensia legal husi Defensor publiku Marsia Sarmento. nia


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker