GMN TV Justica e Segurança Inan sai arguida, tanba haruka oan ba fa’an sasan

Inan sai arguida, tanba haruka oan ba fa’an sasan

Arguida ho inisial EFD tenki sai arguida hodi ba hatan iha Tribunal Distrital Dili (TDD), tanba haruka nia oan ba fa’an sasan hodi sustenta familia uma laran.

Tuir akuzasaun husi Ministeriu Publiku katak, arguida ho lezada Ramona Flavian Saavedra hanesan inan ho oan, ekonomikamente  lezada depende ba arguida, iha loron 29 fulan Maio tinan 2017 tuku 10:00 Otl, iha Becora, arguida lori sinelus ho aisar baku iha lezada nia kanotak ho kotuk laran tanba ema ladun hola has ne’ebe mak arguida haruka lezada ba fa’an helu Dili laran.Durante ne’e arguida sempre obriga lezada ba fa’an has iha Estrada publiku UNITAL Becora, Timor Plaza ho mos Cristo Rei.

Konsikuensia husi arguida nia hahalok ne’e rezulta lezada moras iha kanotak no halo lezada tauk. Nune’e MInisteriu Publiku akuza arguida ho krime violensia domestika tuir kodigu penal Timor Leste.

Hafoin juisa singular le sai tiha akuzasaun arguida konfesa integralmente ba tribunal, arguida bain bain haruka duni lezada ba fa;an has haleu Dili laran, kuando ema la sosa ona arguida sempre baku lezada.

Nune’e iha tribunal arguida arepende nia hahalok ne’ebe nia halo ba nia oan no promote sei la halo tan ba nia oan feto.

Iha fatin hanesan lezada Ramona informa nia inan sempre sempre haruka nia ba fa’an has kuando fila ba uma ema la hola ona arguida sempre baku lezada.

Tanba ne’e mak kuando has la hotu tuir dalan lezada komesa tanis, tanba tauk to’o uma nia inan baku ona nia. No iha tribunal lezada husu ba atu hela deit ho nia avo mae no deside lakohi hela tan ho nia inan.

“ Hau tauk, keta halo nia baku tan hau, diak liu hau ba hela deit ho hau nia avo feto,’’ koalia Romana ho tanis.

Hafoin rona tiha deklarasaun husi arguida ho lezada, tribunal submeter kedas ba alegasaun, iha alegasaun MInisteriu Publiku husu ba tribunal atu fo pena admoestrasaun ba arguida, nune’e iha futuru nia labele halo tan hahalok hanesan ne’e ba lezada inklui ba nia oan nain rua seluk. Tanba lezada sei idade menor arguida mak iha responsabilidade tomak atu sustenta lezada.

Nune’e mos parte defeza husu ba  arguida atu labele repete tan nia hahalok, tanba labarik ho idade tinan  seik kik hanesan lezada ne’e tempu halimar no ba eskola laos atu ba fa’an sasan hodi sustenta fali familia uma laran.

Audensia ne’e a dia fali ba loron 15 fulan Novembru tuku 11:00 Otl hodi rona leitura sentensa, audensia julgamentu ne’e prejidi husi juisa singular Sribuana da Costa, Ministeriu Publiku reprezenta husi prokurador Nelson Carvalho, arguida hetan asistensia legal husi Defensor publiku Rui Guterres. nia


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker