GMN TV Justica e Segurança PNTL identifika ikan tubaraun tonelada 225,5 iha Ró Hong Long

PNTL identifika ikan tubaraun tonelada 225,5 iha Ró Hong Long

0 views

Polísia Nasional Timor-Leste (PNTL) husi Seksaun Investigasaun Kriminal (SIK), identifika ikan tubaraun tonelada 225,5 iha Ro Hong Long laran.

``Durante  prosesu indentifikasaun iha tubarun hira mak  ita hetan klaru que, husi Ró 15 nia totalidade tubaraun ne´e iha 225,5. Agora ikan bai-bain hanesan ita konsumu ne´e nia kuantidade ne´e  iha tonelada 1,04,``informa Komandante SIK, Superintindente, Jorge Monteiro ba jornalista sira Segunda (02/10/2017), iha Kuartel Jeral PNTL.

Relasiona ho ikan tonelada 225,5,  ida  ne´ebé mak  tama ba espesi protejida no ida  ne´ebé mak la tama ba espesi protejida  ne´e, sei identifika.

Enkuantu ikan tubaraun tonelada 225,5   ne´e,  Ró 15 ne´ebé tula kada Ró tula tonelada 15 to’o 16.

``Klaru se Ro 15  ne´e iha tubaraun tonelada 225,5 signifika katak,  kada Ró nia tula 15 to’o 16 toneladas. Se  ita fahe 225,5  ba  15 signifika kada Ró tula  15 to’o 16 toneladas,``dehan Jorge Monteiro.

Alende ne´e PNTL mós halo identifikasaun ba  ema nain 69 ne´ebé mak  servisu iha Ró peska Hong Long, inklui halo  identifikasaun ba kapitaun hamutuk 15  ne´ebé mak kaer Ró Hong Long husi Xina  ne´ebé mak durante halo peska iha tasi Timor parte tasi mane nian.

“Ne´ebé sira  iha Ró laran  ne´e atu presiza tun mai rai maran atu  sosa sigaru  no kafe ho  masin midar ruma, so Polisia nia autorizasaun mak sira tun mai rai maran hodi sosa netik sigaru, maibe akompaña husi Polísia. Ita tau  Polisia nain rua kada Ró 15 para asegura, la´os tun mai sosa sigaru kafe de´it, mas kuandu sira moras  presiza tratamentu saúde ruma atu lori ba ospital ka Klínika, ita-nia Polísia sira akompaña lori sira husi Ro ba hospital hodi halo check up ba sira nia saúde hotu tiha ita lori fila-fali ba sira-nia fatin,``dehan Jorge Monteiro.

Entretantu kazu ne´e akontese Iha  loron  7 Setembru  2017 mais ou menus, tuku 5 loro kraik, SIK simu informasaun eskrira husi  informador  relasiona  ho peska ne´ebé mak hala´o husi kompañia Hong Long  iha tasi Timor.   Tanba  ne´e relasaun ho kazu krimi  públiku nian ne´ebé  PNTL hato’o ba  Ministériu Públiku iha rejiaun Sentral Dílinian,  depois de aprezenta ba MP, iha loron 8 fulan Setembru 2017.

Komandante Jorge Monteiro hasai orden desloka husi Díli ba Baucau hodi halo  identifikasaun ba Ró 10 iha Com Munisípiu Lautem, tanba ro 5 mak para  iha Kairabela Postu Administrativu Vemase, Munisípiu Baucau, hodi halo identifikasaun  iha loron 9 fulan Setembru, remata  prosesu  indetifikasaun iha loron 10 fulan Setembru, ekipa investigasaun hato´o  relatoriu inisial husi Com ba  Prokurador  mai rejiaun Baucau hodi rejista kazu  ne´e  iha MP Baucau nian.

Husi relatoriu ne´ebé mak investigasaun hato’o iha loron 19 Setembru kontinua halo identifikasaun.

Iha  prosesu  identifikasaun ne´e ita ezekuta mandatu buska no mandatu de aprensaun ba kapitaun Ró no ba tripulante sira  iha Ró laran no ba  ikan sira iha furaun Ró laran.

``Iha loron  27 ita hato’o fila-fali relatoriu  inisial ba MP Baucau, depois  ita husi orientasaun Baucau atu asegura Ró  no sasan  ne´ebé mak tama  ona lista auto aprensaun nian nune´e Ró sira ne´e muda mai iha Díli fasil hodi asegura seguransa. Tanba  ne´e  mak iha 27  loro kraik  ita orienta kapitaun sira para halo viazen husi Portu Kairabela nian mai Díli, To iha Dili 28 Setembru,to´o agora Ró sira sei mantein iha Sional Díli,``dehan nia.

Entretantu, Ró Hong Long husi China ne’ebé Ministériu Agrikultura no Peskas kontrata hodi kaer ikan iha Tasi Mane ne’e, Estadu tenki suspende hodi hein prosesu investigasaun ne’ebé la’o hela.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker