Komandan Resort (KAPOLRES) Kabupaten Kefa Indonesia, intrega ona suspeitu ho inisial FLA ne´ebé mak deskonfia oho vítima Josefa Rodrigues iha rejiaun Oecusse.
KAPOLRES Kefa, asegura supeitu FLA, iha kilo 7 Kefa iha loron 29 fulan Setembru no iha loron 30 Setembru tinan 2017, sira intrega suspeitu ne´e ba iha PNTL. Enkuantu suspeitu ne´e halai sai husi rejiaun Oecusse iha loron 24 fulan Setembru 2017 hodi ba Kefa, tanba deskonfia oho vítima Josefa, iha Aldeia Oesono, Suku Costa iha Oecusse.
``Tanba ne´e mak liu husi prosesu koordenasuan ida ne´e ho parte Polisia Indonesia, iha loron 29 Setembru fulan kotuk, parseiru Polisia Kefa konsege faslita ita hodi buka suspeitu ida ne´e iha sira rai laran, mai intrega ita-nia polísia investigasaun Oecusse,``esplika Komandante Servisu Investigasaun Kriminal (SIK), Superintindente, Jorge Monteiro, ba jornalista sira Segunda (02/10/2017), iha Kuartel jeral PNTL.
Suspeitu ne´e agora dadauk detein ona oras 72 iha sela Polísia Oecusse no tuir planu iha segunda (02/010/2017) submete ona ba iha primeiru interogatoriu iha Tribunal Oecusse, hodi nune´e bele hatene lolos kauza husi kazu refere.
Nune´e ba matebian Joséfa Rodrigues da Costa, parte Polísia intrega ona ba familia hodi hala´o seremonia funebre iha Manatutu.avi
