GMN TV Justica e Segurança DP fo kondekorasaun agradesimentu ba Sergio Hornai

DP fo kondekorasaun agradesimentu ba Sergio Hornai

0 views

Ministériu Justisa liu husi defensoria públiku fó kondekorasaun agradesimentu digiridu ba eis defensor públiku jeral, Sergio Hornai ba nia apresiasaun servisu besik tinan rua nulu iha defensoria públiku.

Hafoin fó kondekorasaun, defensor públiku jeral Câncio Xavier hatete, instituisaun Estadu ne’e atu metin bainhira ema ida lidera instituisaun ne’e metin no nia iha dedikasaun servisu ne’ebé forte, nasionalismu no patriotismu ne’ebé forte.

“Defensoria públiku eziste deste tempu UNTAET. Momentu ne’ebá Sergio Hornai mak sai hanesan koordenador lidera instituisaun defensoria públiku hanesan ró ahi, kuandu ondas boot nia nafatin ho nia dedikasaun boot no esforsu lori ró ne’e to’o rohan hanesan mós nia lori instituisaun defensoria públiku to’o mai tinan 2018,’’ dehan Câncio ba jornalista sira iha Centro Formação Jurídico iha Caicoli, Sesta (26/10/18).

Tanba ne’e defensor públiku sira hili Sergio hanesan lider masimu sesante iha defensoria públiku hodi fó kondekorasaun agradesimentu digiridu, husi kondekorasaun denfensor sira hakarak kria memoria instituisional.

Iha fatin hanesan eis defensor públiku jeral, Sergio Hornai agradese no senti orgullu tanba bele hetan kondekorasaun agradesimentu digiridu husi instituisaun ne’ebé nia lidera besik tinan 20 nia laran.

“Ba oin hau buka esforsu atu kontribui tantu ba defensor públiku jeral, adjunta inklui kolega defensor sira seluk atu hala’o servisu, nune’e sira hakas-an liu oinsa presta asistensia jurídika judisial, estra judisial ba sidadaun sira ne’ebé buka justisa,’’ dehan Sergio.

Sergio mós informa instituisaun defensoria públiku hanesan instituisaun úniku iha ÁSIA, tanba Timor-Leste deit mak estabele instituisaun ne’e. Kuandu hari’i primeiru iha tempu UNTAET no hafoin restaura tiha Indenpendensia Timor-Leste, nia hamutuk ho nia kolega balun kontinua hamrik metin iha instituisaun ne’e hodi halo dezenvolvimentu to’o ohin loron.nia


Banner

Foto

Notisia Ikus

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...

Projetu-Lei Responsabilidade PR inkonstitusionál, PN la konkorda desizaun TR

June 29, 2022
Prezidente Komisaun A, Deputadu Joaquim dos Sant...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker