GMN TV Justica e Segurança Ema deskoeñesidu estraga bandeira partidu KHUNTO ■Estrutura ameasa lori ba Tribunal

Ema deskoeñesidu estraga bandeira partidu KHUNTO ■Estrutura ameasa lori ba Tribunal

0 views

Ema deskoñesidu halo estragus ba bandeira partidu KHUNTO iha sede nasional, iha Aldeia Laolora, Suku Manleuana, Postu Administrativu Dom Aleixo, Munisípiu Díli.

Kazu ne’e akontese iha loron, Tersa (09/10/2018), kalan oras 19:00 to’o 21:00 Oras Timor Leste.

Tanba ne’e, lideransa sira iha estrutura Partidu Kmanek Haburas Unidade Nasional Timor Oan (KHUNTO), promete lori kazu refere ba prosesu judisial.

Liu husi konfrensia ba Imprensa, Primeiru Vise Prezidenti Partidu KHUNTO, Antonio Verdial, hatete, estrutura Partidu KHUNTO seda’uk hatene nia detallu temporariamente kazu ne’e.

“Lori partidu nia naran sei haklean hodi esklarese liu tan, atu husu ba entidade kompatente sira hamutuk loron ida sei buka tuir sei tau inmarsa administrativamente, operasionalmente husu ba entidade kompetente hala’o nia knaar tuir lei haruka”, deklara, Antonio Verdial ba Jornalista sira, Kuarta (10/10/2018).

Primeiru Vise Prezidenti Partidu KHUNTO reforsa liutan, atitude ida ne’e laiha responsabilidade ho ida ne’e atu hatete de’it ba instrumentu polítiku hotu-hotu juventude, povu tomak karik mosu problema ruma iha resintu hela fatin problema privadu. Maibe, labele mai estraga fali patrimoniu ne’ebé ema lubun oan ida harii no rejistu hodi hetan mos aspeitu legalidade ne’ebé Tribunal Rekursu aprova iha 2011.

Maske, formalmente la hetan ema deskoñesidu ne’ebé halo estragus patrimoniu partidu KHUNTO nian, maibe husu atu labele repete fila fali atitude ne’e iha futuru.

“Atu hatene iha vitíma ka iha suspeitu iha tempu investigasaun ita hotu sei hatene kestaun refere”,haktuir nia.

Nia mos dehan to’o oras ne’e dadauk partidu KHUNTO seidauk hatama keisa ba parte autoridade seguransa PNTL, maibe prosesu prosesu tuir dalan legal sei hato’o keisa administrativamente tuir lei.

Tanba ne’e, estrutura Partidu KHUNTO lamenta teb-tebes ho atitude iresponsavel ne’e hodi estraga patrimoniu partidu KHUNTO nian.

Tuir observasaun JN-Diário, iha fatin refere la marka prezensa husi autoridade lokal suku Manleuana nian.

Tanba ne’e, konfirma ho Xefi Suku Manleuana Jacob Tilman Soares, lamenta ho prezensa lideransa partidu KHUNTO nian ne’ebé laiha konsiderasaun ba autoridade lokal hodi informa kestaun refere.

“Tuir lolos ema bo’ot sira atu mai iha ne’e tenke iha koñesimentu husi Xefi Suku ho Xefi Aldeia prezidenti ida ki’ik mak nain rua ne’e iha povu mak sira iha, sira bo’ot liu ami, mai lakoñese ba liu iha ne’eba ne’e normal, maibe há’u husu ba sira loron mai fali karik fo koñesimentu oituan ba ami”,lamenta, Xefi Suku Manleuana Jacob Tilman Soares.

Xefi Suku Manleuana Jacob Tilman Soares mos lahatene konaba problema ne’ebé mak akontese, maibe rona katak Ministru Obras Públika atu mai haree drainajen ne’ebé halo iha Manleuana ne’e.Eus


Banner

Foto

Notisia Ikus

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker