GMN TV Justica e Segurança Ema hana joven ida ho rama ambon iha Paiol ■Autoridade lokal husu PNTL kaptura suspeitu

Ema hana joven ida ho rama ambon iha Paiol ■Autoridade lokal husu PNTL kaptura suspeitu

0 views

Júlio Alves ho idade 19 hetan hana ho rama ambon husi ema deskoñesidu  iha Paiól, Lahane Osidentál,  Postu Administrativu Verra-Cruz,  Munisípiu Díli. Tanba ne’e, Autoridade lokal husu autoridade seguransa atu kaptura autór hodi prosesa tuir lei.

Kazu ne´e akontese iha Kinta, Loron 11, Fulan Ne'e, mais ou menus tuku 2 madrugada iha Eskola Paiol-oin,  hafoin vítima ba buka bee mos atu kuru iha estrada  ninin Paiol.

Rama ambon ne’e kona vítima iha parte hasan karuk borus to’o tilun.

Hafoin akontesimentu, família evakua kedan vítima ba Hospital Nacional Guido Valadares  hodi halo operasaun ba rama isin ne´ebé belit iha vítima nia hasan.

``Antes akontese ami ba haree bee atu kuru iha estrada ibun, mais ou menus tuku rua madrugada hanesan ne´e,   maibe ami fila-fali atu liu ba uma mak suspeitu nain rua sa’e motor ida  ho marka  Beat  laiha sapa matríkula, depois suspeitu nain rua ne´e taka metin oin, rabat tiha ami mak hodi tiru. Nune’e ha´u-nia kolega  vítima Júlio Alves mos hakfodak hodi dehan, ai rama ambon kona ha´u, ami sei preokupa ho ami-nia kolega vítima ne´e, suspeitu nain rua ne´e halai liu no ami labele duni tuir”,esplika Sasin  Fortunato da Costa Magalhães, ba GMN Sabadu (13/10/18), iha vítima nia rezidensia Paiol, Lahane, Díli.

Autoridade lokal husi Aldeia Paiól lamenta ho akontesimentu ne'e, tanba  ne'e,  husu ba autoridade seguransa atu kaptura suspeitu sira hodi prosesa tuir lei.

``Ho akontesimentu ne´e ha´u la simu,  tanba  ne´e mak kazu  ne´e ami hato’o ona ba iha Polísia, hodi husu ba Polísia atu buka tuir suspeitu deskoñesidu ne´e hodi bele submete ba prosesu  investigasaun”,dehan Xefe Aldeia  Paiól,  Joni Elvis.

To´o notísia ne´e publika,  GMN,   seidauk halo konfirmasaun ho parte seguransa kona-ba prosesu investigasaun ba kazu refere.

Entretantu, tuir lei armas brankas númeru 5/ 2017/ bandu ema uza sasan kroat hodi estraga ema seluk nia vida.avi


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker