GMN TV Justica e Segurança Ema oho Jaime Gusmão iha Hera

Ema oho Jaime Gusmão iha Hera

0 views

Ema ida naran Jaime Gusmão Soares ho idade 40 hetan sona   husi suspeitu ho inisial AZ iha Hera Halidolar, Munisípiu Díli. Kazu ne’e akontese Segunda (29/10/18), mais ou menus tuku 10 dadersan oras Timor-Leste.

Mate isin Jaime Gusmao  Soares, evakua   ona mai iha Morturariu Hospital Nasional  Guido Valadares  (HNGV) hodi submete ba  autopsia.

Enkuantu suspeitu ba kazu  ne’e Polisia kaptura ona, oras ne’e hala’o hela  tratamentu iha sala emerjensia Hospital Nasional  Guido Valadares, tanba baku husi joven família vítima.

``Suspeitu ho vítima  sei família,  uluk  loron ho kalan   nia iha ami nia uma de´it, maibe horikalan mak suspeitu mai fali uma han hotu tiha nia fila fali ba nia uma, sira diak de´it la hirus malu. Ohin (horiseik) dadersan suspeitu ne´e mai fali iha ami nia uma, maibe iha dader de´it ha´u lori ha´u nia oan feto  ba hospital, ha´u mai fali tuku 10 OTL, ha´u nia katuas oan dehan hamlaha ona, seidauk tein karik dan uluk supermi ita han tiha lai, ne´ebé ami  ba sosa supermi hodi dan supermi tasak, suspeitu han hotu uluk tiha, ha´u nia katuas oan han seidauk hotu sei kaer hela, nia tama ba uma laran atu fui be  hemu, loke tv nonton lai, ne´ebé ami mos hatan diak. Depois ha´u ba tiha baranda suspeitu ho ha´u nia katuas oan tuur hela, depois suspeitu tama uma laran foti tudik sikat  hela iha  didin lolon nia foti tiha,  ha´u nia alin mak hetan tudik suspeitu kaer ne´e, hanoin katak, suspeitu atu koa buat ruma, depois ha´u nia alin hateke tuir de´it suspeitu, no suspeitu mai to’o ha´u nia katuas oan nia kotuk hodi  sona kedas iha hirus matan, ha´u nia alin haree hakilar dehan Anato sona tiha ona maun, ne´e mak ha´u mos besik ha´u nia katuas oan sei koalia dehan Anato sona mate  tiha ona ha´u”,haktuir Lidia da Costa, nu’udar matebian nia kaben, ba GMN, Segunda (29/10/18), iha Hospital Nasionál Guido Valadares (HNGV).

Ho akontesimentu ne´e, Lidia da Costa, lamenta no hakarak prosesa kazu ne´e ba oin, tanba nia konsidera nia laen ema oho la´os moras mak mate.

Entretantu  to’o notísia  ne’e hatun GMN seidauk hetan konfirmasaun ho Komando PNTL Munisipiu Dili.

Antes ne’e ema deskoñesidu sona mate Carlos da Costa idade tinan 17 oan husi   Komandante Postu Polísia  Hera Domingos Costa Lay.

Kazu ne´e akontese  iha eskola Sekundaria  Vokasional Hera  iha Domingu  loron 16 fulan Setembru, maiz ou menus tuku tolu  madrugada.avi

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker