GMN TV Justica e Segurança Enkontru KSDS entre ezonera no prolonga mandatu Lere ■PR Lú Olo sei deside iha tempu badak

Enkontru KSDS entre ezonera no prolonga mandatu Lere ■PR Lú Olo sei deside iha tempu badak

0 views

Prezidente Repúblika (PR), Francisco Guterres ‘Lú Olo’, Tersa (16/10/18), hala’o enkontru ho Konsellu Superior Defeza no  Seguransa (KSDS), hodi rona opinaun husi KSDS nian hodi foti desizaun ba proposta Governu nian atu prolonga hodi nomeia ka halo ezonerasaun ba Xefi Estadu Maior Jeneral F-FDTL, Major Jeneral (MaJen) Lere Anan Timur, tanba nia mandatu ba kargu ne’e remata ona. 

Xefi Casa Militar, António Soares da Silva “Maucalo”, hatete, enkontru KSDS ne’e oinsa atu haree proposta Governu nian, enkuatnu Prezidente Repúblika, sei foti desizaun iha tempu badak, hodi prolonga ka hala’o nomeasaun ka halo ezonerasaun ba kargu Xefi Estadu Maior Jeneral F-FDTL ne’e.

“Ohin (Horiseik-red) hala’o reuniaun Konsellu Superior Defeza no Seguransa, Prezidente  Repúblika, Francisco Guterres ‘Lú Olo’, hala’o reuniaun ida ne’e para bele konsulta ho konsellu  superior ne’e, kona-ba ajenda prinsipal, liu-liu rekondusaun ka renovasaun ka mandatu Xefi Estadu Maior Jeneral Falintil Forsa Defeza Timor-Leste (F-FDTL) enkuantu ida seluk, atu nomeia Xefi Estadu Maior das Forsas Armadas”, dehan  Maucalo ba Jornalista sira,  hafoin remata  enkontru ho Konsellu  Superior Defeza no Seguransa, Tersa (16/10/2018), iha Palásiu Prezidensial Nicolau Lobato Bairo Pite, Díli.

Maucalo afirma katak, tuir ajenda kompletu, primeiru aprovasaun akta reuniaun ne’ebé uluk iha loron 21 hala’o, konaba nomeiasaun Brigadeiru Falur Rate Laek nian, no ida agora segundu ba Xefi Estadu Maior Jeneral F-FDTL, no proposta mai husi Governu, para atu bele hatene mandatu Lere nian ne’e atu la’o oinsa.

“Reuniaun membru Konsellu Superior Defeza Seguransa  hotu, sira-nia hanoin aprezenta hotu ona, no entrega ba Prezidente Repúblika para bele haree no foti desizaun, oinsa Xefi Esatdu Maior Jeneral nian ne’e, atu prolonga nia mandatu ka? hakotu nia mandatu ka? no tuir lei hatete katak ne’e orgaun konsulta Prezidente Repúblika nian, bainhira halo nomeiasaun no ezonerasaun, Xefi Estadu presiza rona uluk husi membru Konsellu Superior, mak foin bele foti desizaun halo nomeasaun ka ezonerasaun ba  kargu Xefi Estadu Maior Jeneral F-FDTL”,Subliña Maucalo.

Konstituisaun RDTL

Tuir artigu Artigu 85.⁰ konstituisaun RDTL haktuir kona-ba Kompeténsia rasik Prezidente-Repúblika nian iha alinea (B) katak, Hala’o kompeténsia kona-ba knaar Komandante Supremu Forsas Armadas nian; no iha fali  artigu 86.⁰ Kompeténsia Prezidente Repúblika nian kona-ba órgaun sira seluk ne’ebé haktuir iha alinea M katak, tuir proposta Governu nian, Xefe Estadu Maiór Jenerál Forsa Armada, Vise-Xefe Estadu Maiór Jenerál Forsa Armada no Xefe Estadu Maior Forsa Armada nian, rona tuir, iha kazu ikus mai ne’e, Xefe Estadu Maiór Jenerál Forsa Armada nian. No tuir fali Artigu 90.⁰ kona-ba Konsellu-Estadu iha alinea dahuluk hatete katak, Konsellu-Estadu mak órgaun konsulta polítiku Prezidente Repúblika, ne’ebé nia rasik prezide.Oly


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker