GMN TV Justica e Segurança Konfrontu iha Balide, rezulta joven ida kanek todan

Konfrontu iha Balide, rezulta joven ida kanek todan

0 views

Akontese konfrontu entre joven sira iha Balide Dili ne'ebé rezulta joven ida ho naran Jacinto dos Santos kanek todan.

Konfrontu ne'e akontese mais ou menus tuku haat liu minutu tolu nulu oras Timor Leste.

Vítima oras ne'e daudaun hala'o hela tratamentu intensivu iha ospitál nasionál Guido Valadares no parte ospitál hala'o ona teste X-ray no sei hein nia rezultadu.

Tuir informasaun iha terunu katak, problema entre joven sira iha Kintal bo’ot ne’e, akontese ona iha loron Segunda (22/10), no polisia halo ona atuasaun hodi rezolve problema ne’e, no dadaun ne’e polisia skuadra Balide detein hela joven ida iha sela Skuadra Polisia Balide.

Maibé iha Tersa lokraik, akontese fali problema tuda malu entre joven sira ne’e, hodi rezulta vítima Jacinto dos Santos hetan kanek todan.

“Vítima ne’e mai husi parte Santa-Cruz ho motor, derpenti mai to’o Igreja Balide nia oin ne’e, joven balun ataka vítima ne’e hodi tuda nia ho fatuk, no kona vítima iha nia ulun hodi monu tu’un husi motor, no ema lori fatuk no martelu halai ba tuda no baku nia ulun, maibé polisia sira iha Skuadra laran ne’e nunka halo buat ida, sira mós buka fatin atu subar fali,” relata sasin ida iha fatin akontesimentu ne’ebé lakohi publika sai nia identidade.

Entre tantu fámilia vítima lamenta tanba polísia halo atuasaun tarde maski akontesimentu iha kedas eskuadra polísia Balide nia oin.

GMN tenta konfirma ho parte eskuadra polísia Balide maibé parte kompetente rejeita fó informasaun ho razaun sei iha prosesu investigasaun.cos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker