GMN TV Justica e Segurança Membru F-FDTL deskonfia tiru mate joven ida iha Laga ■Família lakohi koopera ho justisa

Membru F-FDTL deskonfia tiru mate joven ida iha Laga ■Família lakohi koopera ho justisa

Deskonfia membru FALINTIL Forsa Defeza Timor-Leste (F-FDTL), tiru mate joven ida ho naran Anselmo de Sousa Gama, ho idade tinan 20, no lori mate isin ba soe hela iha tasi ibun. Kazu ne´e akontese  iha Sesta (5/10/10), mais ou menuz tuku 10 ho balun kalan  oras Timor-Leste, iha área Bugira Suku Nunira, Postu Administrativu Laga, Munisípiu Baucau.

Tuir kronolojia wainhira membru F-FDTL sira eskolta hela mate isin saudozu Afonso alias Intel  husi Díli atu ba halót iha Lautem, to’o iha dalan klaran hetan asaltu husi  grupu deskoñesidu sira.

Iha akontesimentu ne´e Polísia kaptura suspeitu nain 6 hodi detein iha sela detensaun Eskuadra Laga hodi loke prosesu ba sira.  Maibe iha  Sabadu (06/10/18), rona fali joven ida mate iha tasi ibun. Tanba ne’e, Polísia to´o iha fatin akontesimentu hodi rekolla mate isin nune’e submete ba prosesu autopsia, maibe família husi matebian la autoriza.

``Entaun ida ne´e difikuldade bo’ot ida ba ita-nia PNTL hodi investiga kazu  ne´e hodi  hetan lia los. Tanba saida  mak  ita-nia joven  ne´e mate, mate tanba kilat musa ka mate tanba ema baku ka mate tanba buat seluk,  ita  labele identifika``,esplika Komandante Jeral PNTL Komisariu Julio Hornay, ba jornalista sira Segunda (08/10/18), iha Kuartel Jeral PNTL Díli

Tanba  ne´e Komando  PNTL Baucau ho Eskuadra Laga hamutuk  hodi lori kazu  ne´e ba iha Ministériu Públiku hodi husu orientasaun, katak kazu  hanesan ne´e nia prosesu oinsa. Entaun orienta atu husu nafatin família matebian atu haree lalaok prosesu investigasaun hodi apoiu, maibe família lakohi, entaun Prokurador orienta  Polísia hodi asina deklarasaun ida katak, sira la konkorda ba  prosesu  ne´ebé mak Polísia hala´o.

``Ne´e mak agora dadauk Ministériu Públiku ho Polísia atu prepara  karta ida hodi asina``,dehan Julio Hornay.

Enkuantu ho kazu ne´ebé mak akontese, Polísia kontinua fo seguransa iha Laga, hodi normaliza nafatin situasaun iha Suku Numira, atu nune´e komunidade kontinua hala´o sira-nia atividade.avi


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker